Aetna mons
From Wikipedia, the free encyclopedia
Aetna (Italiane: Etna) est mons ignifer in Sicilia, maximus Siciliae mons et maximus totius Europae vulcanus. Culmen crescit vel decrescit post aliquas eruptiones; altus dicitur hodie 3357 m esse (2021).
Vide etiam paginam discretivam: Aetna (discretiva).
Nomen montis de Aetna dea Graeca deducitur. Sunt qui reducant illud nomen a verbo Graeco αἴθειν (aíthein, latine flagrare) aut a verbo Punico attano. Lava et lapides cadentes, qui omni anno e faucibus montis erumpunt, hominibus interdum imminent.
Vergilius Aetnam in libro Aeneide descripsit:
- Portus ab accessu ventorum immotus et ingens
- ipse; sed horrificis iuxta tonat Aetna ruinis;
- interdumque atram prorumpit ad aethera nubem,
- turbine fumantem piceo et candente favilla,
- attollitque globos flammarum et sidera lambit;
- interdum scopulos avolsaque viscera montis
- erigit eructans, liquefactaque saxa sub auras
- cum gemitu glomerat, fundoque exaestuat imo.
- Aeneis 3.570-577