Arsenius Jacenjuk
politicus Ucrainae / From Wikipedia, the free encyclopedia
Arsenius Petri f. Jacenjuk vel Ucrainice Арсеній Петрович Яценюк (Czernovici natus die 22 Maii 1974), negotiator et politicus, fuit annis ab 2014 ad 2016 primus minister Ucrainae.
Patria: Unio Sovietica
Nomen nativum: Арсеній Петрович Яценюк
Familia
Coniunx: Theresa Yatsenyuk
Filius historici Petri Ioannis f. Jacenjuk professoris apud universitatem Czernovicensem, Arsenius Jacenjuk in eadem universitate eruditus est sed etiam in instituto commerciali et oeconomico Czernovicensi Universitas Commercialis et Oeconomica Kioviensis et apud Academiam Argentariam Ucrainicam Sumis in urbe, ubi doctoratum meruit.
Breviter Argentariam Nationalem Ucrainicam rexit. Fuit minister rerum oeconomicarum Crimaeae (eo tempore provinciae autonomae Ucrainicae) annis 2001-2003, minister rerum oeconomicarum Ucrainae omnis a die 27 Septembris 2005 ad 4 Augusti 2006, primo ministro Georgio Jechanurov, et minister rerum externarum ab 21 Martii 2007 ad 4 Decembris 2007, primo ministro Victore Janukovyč. Legatus est ad parlamentum a die 23 Novembris 2007 ad 28 Februarii 2014, quo die, nuper primus minister electus, a munere parlamentario se removit.
Officium primi ministri die 24 Iulii 2014 recusavit, sed parlamentum hanc recusationem nondum accepit. Die 10 Aprilis 2016 denuo officium illud recusavit, et die 14 Aprilis parlamentum hanc recusationem confirmavit.