Historia Boliviae
From Wikipedia, the free encyclopedia
Historia Boliviae post Imperium Tiuanacuense casum coepisse dicitur, cum homines Aymara regionis Lacus Titicaca ab Imperio Incarum devincerentur. Ante victoriam Hispanicam, Qullasuyu factum erat una ex Andeanis imperii Incarum provinciis, dum humiles regionum septentrionalium orientaliumque terrae a liberis tribubus vagis incolebantur. Conquisitatores Hispani, ex Cusco et Assumptione advenientes, Francisco Pizardo duce, regioni saeculo sexto decimo imperare coeperunt. Inter plurimum regni Hispanici, terrae Boliviae Peruvia Superior appellabantur, a Regali Audientia Charcas administratae. Libertas rei publicae Bolivianae, primum anno 1809 petita, post sedecim belli annos constituta est, civitate sui iuris e Simone Bolivar liberatore die 6 Augusti 1825 appellata. Ex quo tempore Bolivia tempora instabilitatis politicae oeconomicaeque toleravit, atque varias provincias eius finitimis perdidit, inter quas Acrensis, partes Grandis Chaci, et eius litus Pacificum, unde civitas ora maritima hodie caret.