Index longissimorum Civitatum Foederatarum fluviorum
From Wikipedia, the free encyclopedia
Cursus principales triginta octo fluviorum Civitatum Foederatarum sunt saltem 500 milia passuum Anglica vel 800 chiliometra longi. Cursus principalis hic significat maiorem fluvii partem, ab amnibus influentibus distinctam. Institutum agri metationis Civitatum Foederatarum cursum principalem coordinatis punctorum "fontis" et "ostii" definit. Aliqua flumina praeclara, ut Atchafalaya, Willamette, ac Susquehanna, in indicem non eunt, quia principales eorum cursus sunt breviores quam 500 milia passuum.
Septem horum fluviorum fines inter civitates transeunt vel constituunt. Duo, fluvii Iuconus et Columbia, incipiunt in Canada, unde in Civitates Foederatas influunt. Tres—Milk, Ruber Septentrionalis, ac fluvius Sancti Laurentii—in CFA incipiunt et in Canadam influunt (Milk quidem bis finem inter civitates transit). Duo fluvii, Coloratus et Bravus, in CFA incipiunt et in Mexicum influunt, aut finem cum eo constituunt. Praeterea, systemata fluminum Mississippi et Missuri in Canadam patent, et systema Gilae in Mexicum patet.
Quantitates hydrologicae saepe mutantur et difficiliter definuntur, itaque numeri ordoque sequentes ad veritatem tantum appropinquant.