Mutinensis Gr. 122
From Wikipedia, the free encyclopedia
Mutinensis Gr. 122 est exemplar saeculo XV scriptum, hodieque in Bibliotheca Estensi iacens, operis historici Graeci "Epitome historiarum" (Ἐπιτομὴ ἱστοριῶν) ab Ioanne Zonara compositi. In hoc textu res gestae praecipue Byzantinas narrantur a mundo creato usque ad annum 1118. Sequitur supplementum ab alio quodam saeculo fere XV scriptum, imaginibus imperatorum Romanarum Orientalium posteriorum ornatum. Quae imagines, penicillo factae, saepe ex hoc codice reproducuntur.