Mohammed-Karikature vu Jyllands-Posten
From Wikipedia, the free encyclopedia
Als Mohammed-Karikature gouf eng Serie vun zwielef satireschen Zeechnunge bekannt, déi den islamesche Reliounsstëfter Mohammed zum Theema huet, an déi den 30. September 2005 vun der dänescher Dageszeitung Jyllands-Posten verëffentlecht gouf. Dës relativ banal Karikature ware geduecht als Suite vun engem Artikel iwwer d'Selbstzensur a Beschneidung vun der Presse- a Meenungsfräiheet. A mosleemesche Länner koum et doropshin zu onkontrolléierte Manifestatiounen, déi ganz séier an ekonomesch Boykotter an eng ganz Rei brutal Iwwergrëff mat Waffegewalt géinteniwwer den Institutiounen a Bierger vun Europa ausgeaart sinn. Dës intolerant Haltung, déi vun Islamisten nach kënschtlech opgepeitscht gouf, huet de Gruef tëscht dem säkuläre Westen an der islamescher Welt weider verdéift.