Словакиядин шегьерар
From Wikipedia, the free encyclopedia
Словакиядин шегьерар — официал шегьеррин (словак. mesto) статус гвай Словакиядин яшамишдай чкаяр. Словакия Республикадин Конституциядин 70-лагьай макъалади, къанунралди къайдада гьатдай тегьерда, жемятриз шегьеррин статус гунугин мумкинвал кӀвачихъ гилигзава[1]. И тегьер 369/1990 Zb «Муниципалитетрикай» къанундин тартибдалди къайдада гьатзава.
§ 22-див кьурвал, шегьеррин статус чеб экономикадин, административ, мединиятдин, туриствилин тахьайтӀа курортдин юкь яз авай; патав гвай жемятрин игьтияжар бегьемерзавай; патав гвай муниципалитетрихъ галаз улакьдин алакъаяр авай; шегьердин жуьреда кӀвалер-дараматар эцигунин къайда авай; 5 агъзур касдилай пара агьалияр авай яшамишдай чкайрив гва. Жемятдивай шегьеррин статус и яшамишдай чкадин агьалийрин арада референдум тухудалай кьулухъ ва Словакиядин Парламентдин къетӀъ авуналди (муниципалитетди ганвай малуматрихъай) къачуз жезва[2].
Санлай къачурла Словакияда 138 шегьер ава, уьлкведин шегьеррин агьалийрин виридан кьадар — 2 939 180 кас[3] я (вири гьукуматдин агьалийрикай 54,38 %). ЧӀехи пай 10 агъзур касдилай тӀимил авайбур я — 66 шегьер; 10-30 агъузур кас авайбур — 51 шегьер; 30-50 агъзур кас авайбур — 11 шегьер; 50-100 агъзур кас авайбур — 8 шегьер; 100 агъзур касдилай пара авайбур — 2 шегьер. Виридалайни чӀехи шегьер — Братислава (413 192 кас[4]).
Агъадихъ ганвай сиягьда вири Словакиядин шегьерар алфавитдин къайдада къалурнава. Сиягьдик агьалийрин кьадардикай[5], майдандикай, шегьер диб эцигай йисакай малуматар, координатарни шикилар ква. Крайрикай кӀватӀна сад авунвай статистика ва шегьерар картадал алай чкая чараз гана.