Ieredevisie 2017/18 (hierevoetbal)
From Wikipedia, the free encyclopedia
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
2017/18 waor 't 62e sezoen vaan de Ieredevisie voetbal veur manslui. De competitie begós op 11 augustus 2017 en indegde op 5 mei. Daonao volg tot 20 mei de naocompetitie.[1] Nui in de Ieredevisie zien VVV-Venlo, wat ziech op 14 mei 2017, nog veur 't kampioensjap, verzekerde vaan promotie, en NAC Breda, wat via de naocompetitie promoveerde.
't Is veurluipeg 't lèste sezoen boebij de landskampioen ziech otomatisch veur de grópsfaas vaan de Champions League plaots. Vaanaof 't sezoen 2018/19 moot de kampioen barraasjmatche speule tege 'n aander club.[2]
Kampioen woort PSV, wat op 15 aprèl 2018 d'n insegsten concurrent Ajax in e direk duel versloog. Op 29 aprèl woort bekind tot FC Twente, in 2010 nog landskampioen, zouw degradere.