Olympische Zomerspeule 2016
From Wikipedia, the free encyclopedia
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
De Olympische Zomerspeule vaan 2016, officieel de Speule vaan de XXXIe Olympiaad, woorte vaan 5 t/m 21 augustus 2016 gehawwe in Rio de Janeiro, Brazilië. 't Waore de ierste Speule in Zuid-Amerika, de twiede in Latiens Amerika en de daarde op 't zuielek haafroond. Brazilië organiseerde ieder, in 2014, al 't Wereldkampioensjap hierevoetbal. Aon de Speule naome mie es tiendoezend atlete oet 207 IOC's deil (boe-oonder 'n oonaofhenkelek team en e vlöchtelingeteam), in e recordaontal vaan 306 oonderdeile verdeild euver 41 disciplines in 28 hoofsporte. Diverse controverses en zörg reze vaan teveure op, boe-oonder de epidemie van zikakoorts, de corruptie en oonveilegheid in 't land, de geldnoed vaan de regering, vervojling in de baoj en e groetsjaoleg dopingsjendaol oonder de Russische sporters.