Мехмед IV
From Wikipedia, the free encyclopedia
Мехмед IV (османски турски: محمد رابع, Meḥmed-i rābi; роден на 2 јануари 1642 година во Цариград – починал на 6 јануари 1693 година во Одрин) — деветнаесеттиот султан на Отоманското Царство кој владеел во периодот од 1648 до 1687 година. Тој бил син на Ибрахим I и неговата сопруга Турхан султан. Тој на престолот се качил кога имал само шест години откако неговиот татко бил соборен и погубен. Владеењето на Мехмед е второто најдолго во османлиската историја, по онаа на Сулејман I[1]. Првите и последните години од неговото владеење се одликуваат со воени порази и политички нестабилности, но повеќето од нив исто така биле успешни поради големиот везир Ќопрулу Мехмед-паша. Мехмед IV од современиците бил опишан како побожен владетел и бил означен како гази, што значи „свет воин“, заради неговата улога во многу освојувања за време на неговото долго владеење[2].
Мехмед IV محمد رابع | |||||
---|---|---|---|---|---|
Султан на Отоманското Царство Кајсери-Рум Чувар на Двете Свети Џамии Отомански калиф Падишах | |||||
19-ти Отомански султан (Падишах) | |||||
На престол | 8 август 1648 – 8 ноември 1687 | ||||
Претходник | Ибрахим I | ||||
Наследник | Сулејман II | ||||
Регенти | Погледнете го списокот
| ||||
Роден(а) | 2 јануари 1642
Топкапи-сарај, Цариград, Отоманско Царство | ||||
Починал(а) | 6 јануари 1693
Одрин,Отоманско Царство | ||||
Почивалиште | Турбе на Турхан султан, Јени џамија, Истанбул, Турција | ||||
Придружнички | Ѓулнуш султан Афифе кадин | ||||
Деца | погледнете подолу | ||||
| |||||
Династија | Отоманска династија | ||||
Татко | Ибрахим I | ||||
Мајка | Турхан султан | ||||
Вероисповед | ислам | ||||
Турга |
Под негово владеење, царството достигнало највисоко ниво на својата територијална експанзија во Европа. Уште од рана возраст, тој развил голем интерес за лов, поради што во Турција е познат како авџи (ловец). Во 1687 година, Мехмед бил соборен од власт од страна на војниците кои биле разочарани од османлиските порази во Големата турска војна. Подоцна заминал во Одрин, каде починал на 6 јануари 1693 година, на 51-годишна возраст[1].