Општини во Словенија
From Wikipedia, the free encyclopedia
Словенија административно е поделена на 212 општини (на словенечки: občine), од кои 11 се градски. Секоја општина е поделена на месни заедници и околии.
Во сите општини службен јазик е словенечкиот. Италијанскиот е втор службен јазик во 4 општини (од кои една е градска) во Приморје: Анкаран (Анкарано), Изола, Копер (Каподистрија) и Пиран (Пирано). Унгарскиот е втор службен јазик во 3 општини во Прекмурје: Добровник (Добронак), Ходош и Лендава (Лендва).
Согласно статистиката на Европската унија, општините во Словенија се водат како второстепени месни управни единици (LAU 2), под 58 првостепени управни единици (LAU 1).