ദി നാഷണൽ കോൺഗ്രസ് ഓഫ് ബ്രസീൽ
ബ്രസീലിലെ ഫെഡറൽ ഗവൺമെന്റിന്റെ നിയമനിർമ്മാണ സഭ / From Wikipedia, the free encyclopedia
ബ്രസീലിലെ ഫെഡറൽ ഗവൺമെന്റിന്റെ നിയമനിർമ്മാണ സഭയാണ് ദി നാഷണൽ കോൺഗ്രസ് ഓഫ് ബ്രസീൽ. (Portuguese: Congresso Nacional do Brasil) സംസ്ഥാന ലെജിസ്ലേറ്റീവ് അസംബ്ലികളിലും മുനിസിപ്പൽ ചേംബറുകളിൽ നിന്നും വ്യത്യസ്തമായി, ഫെഡറൽ സെനറ്റ് (ഉപരിസഭ), ചേംബർ ഓഫ് ഡെപ്യൂട്ടീസ് (ലോവർ സഭ) എന്നിവ ഉൾക്കൊള്ളുന്ന കോൺഗ്രസ് രണ്ടു സഭകളോടുകൂടിയതാണ്. ഫെബ്രുവരി 2 മുതൽ ജൂലൈ 27 വരെയും ഓഗസ്റ്റ് 1 മുതൽ ഡിസംബർ 22 വരെയും കോൺഗ്രസ് ബ്രസീലിയയിൽ വർഷം തോറും യോഗം ചേരുന്നു.[1][2]
ദി നാഷണൽ കോൺഗ്രസ് Congresso Nacional | |
---|---|
56th Legislature of the National Congress | |
വിഭാഗം | |
തരം | Bicameral |
സഭകൾ | Federal Senate Chamber of Deputies |
ചരിത്രം | |
Founded | 6 മേയ് 1826 (1826-05-06) |
New session started | 1 ഫെബ്രുവരി 2019 (2019-02-01) |
നേതൃത്വം | |
President of the Federal Senate | Davi Alcolumbre, DEM 2 February 2019 മുതൽ |
President of the Chamber of Deputies | Rodrigo Maia, DEM 14 July 2016 മുതൽ |
Government Leader | Eduardo Gomes, MDB 17 October 2019 മുതൽ |
Majority Leader | Roberto Rocha, PSDB 6 February 2019 മുതൽ |
Minority Leader | Jandira Feghali, PCdoB 27 February 2019 മുതൽ |
വിന്യാസം | |
സീറ്റുകൾ | 594 members: 81 Senators 513 Federal Deputies |
Federal Senate political groups | Government (60)
Opposition (21)
|
Chamber of Deputies political groups | Government (342)
Opposition (171)
|
തെരഞ്ഞെടുപ്പുകൾ | |
Federal Senate തിരഞ്ഞെടുപ്പ് സമ്പ്രദായം | Plurality voting, alternating every four years between single-member elections (FPTP) and dual-member elections (Block voting) |
Chamber of Deputies തിരഞ്ഞെടുപ്പ് സമ്പ്രദായം | Open list proportional representation |
Last general election | 7 October 2018 |
സഭ കൂടുന്ന ഇടം | |
National Congress building Brasília, Federal District, Brazil | |
വെബ്സൈറ്റ് | |
Federal Senate Chamber of Deputies |
സെനറ്റ് 26 സംസ്ഥാനങ്ങളെയും ഫെഡറൽ ഡിസ്ട്രിക്റ്റിനെയും പ്രതിനിധീകരിക്കുന്നു. ഓരോ സംസ്ഥാനത്തിനും ഫെഡറൽ ഡിസ്ട്രിക്റ്റിനും മൂന്ന് സെനറ്റർമാരുടെ പ്രാതിനിധ്യം ഉണ്ട്. അവർ എട്ട് വർഷത്തേക്ക് ജനസമ്മതിയുള്ള ബാലറ്റ് വഴി തിരഞ്ഞെടുക്കപ്പെടുന്നു. ഓരോ നാല് വർഷത്തിലും, സെനറ്റിന്റെ മൂന്നിലൊന്നോ മൂന്നിൽ രണ്ട് ഭാഗവും (സംസ്ഥാനങ്ങളുടെയും ഫെഡറൽ ഡിസ്ട്രിക്റ്റിന്റെയും പ്രതിനിധികളുടെ) പുതുക്കൽ നടക്കുന്നു.[3]
ചേംബർ ഓഫ് ഡെപ്യൂട്ടീസ് ഓരോ സംസ്ഥാനത്തെയും ജനങ്ങളെ പ്രതിനിധീകരിക്കുന്നു. കൂടാതെ അതിന്റെ അംഗങ്ങളെ ആനുപാതിക പ്രാതിനിധ്യ സമ്പ്രദായത്തിലൂടെ നാല് വർഷത്തെ കാലത്തേക്ക് തിരഞ്ഞെടുക്കുന്നു. ഓരോ സംസ്ഥാനത്തെയും ജനസംഖ്യയനുസരിച്ച് ആനുപാതികമായി സീറ്റുകൾ അനുവദിച്ചിരിക്കുന്നു. ഓരോ സംസ്ഥാനത്തിനും കുറഞ്ഞത് 8 സീറ്റുകൾക്കും (കുറഞ്ഞ ജനസംഖ്യയുള്ളത്) പരമാവധി 70 സീറ്റുകൾക്കും (ഏറ്റവും ജനസംഖ്യയുള്ളത്) അർഹതയുണ്ട്. സെനറ്റിൽ നിന്ന് വ്യത്യസ്തമായി, ചേംബർ ഓഫ് ഡെപ്യൂട്ടീസ് നാല് വർഷത്തിലൊരിക്കൽ പുതുക്കുന്നു.
രാഷ്ട്രീയക്കാർ പാർട്ടികൾ മാറുന്നത് അടുത്ത കാലം വരെ സാധാരണമായിരുന്നു. ഓരോ പാർട്ടിയുടെയും കോൺഗ്രസ് സീറ്റുകളുടെ അനുപാതം പലപ്പോഴും മാറിക്കൊണ്ടിരിക്കും. എന്നിരുന്നാലും, സുപ്രീം ഫെഡറൽ കോടതിയുടെ തീരുമാനം, സീറ്റുകൾ പാർട്ടികളുടേതാണെന്നും രാഷ്ട്രീയക്കാർക്കല്ലെന്നും, ഒരാൾക്ക് പാർട്ടികളെ മാറ്റാനും വളരെ പരിമിതമായ കേസുകളിൽ തന്റെ സീറ്റ് നിലനിർത്താനും മാത്രമേ കഴിയൂ. തന്മൂലം, തെരഞ്ഞെടുക്കപ്പെട്ട പാർട്ടിയെ ഉപേക്ഷിക്കുന്ന രാഷ്ട്രീയക്കാർക്ക് അവരുടെ കോൺഗ്രസ് സീറ്റ് നഷ്ടപ്പെടുന്നു.
ബ്രസീലിയൻ കോൺഗ്രസിന്റെ ഓരോ ഭവനവും അതിന്റെ പ്രസിഡന്റിനെയും അതിന്റെ ഡയറക്ടർ ബോർഡിലെ മറ്റ് അംഗങ്ങളെയും അതിന്റെ അംഗങ്ങളിൽ നിന്ന് തിരഞ്ഞെടുക്കുന്നു.
സെനറ്റ് പ്രസിഡന്റ് എക്സ് ഒഫീഷ്യോ നാഷണൽ കോൺഗ്രസിന്റെ പ്രസിഡന്റാണ്. ആ പദവിയിൽ സംയുക്ത സെഷനുകൾക്കും ഇരുസഭകളുടെയും സംയുക്ത സേവനങ്ങൾക്കും സമൻസ് നൽകുകയും അദ്ധ്യക്ഷനാകുകയും ചെയ്യുന്നു. ചേംബർ പ്രസിഡന്റ് തുടർച്ചയായി പ്രസിഡന്റ് സ്ഥാനത്ത് രണ്ടാം സ്ഥാനത്തും സെനറ്റ് പ്രസിഡന്റ് (കോൺഗ്രസ്) മൂന്നാമതുമാണ്.