ബിംഗ്
From Wikipedia, the free encyclopedia
മൈക്രോസോഫ്റ്റിന്റെ ഉടമസ്ഥതയിലുള്ള ഒരു വെബ്ബു് സെർച്ച് എഞ്ചിൻ ആണു് ബിംഗ് (Bing). വെബ്ബ് വിലാസം (http://www.bing.com/) കുമോ എന്നപേരിലായിരുന്നു മുൻപ് ഇതിന്റെ പരീക്ഷണങ്ങൾ നടത്തിയിരുന്നത്. 3 ജൂൺ 2009 നാണു് ഈ സേർച്ചു് എഞ്ചിൻ ഔദ്യോഗികമായി പ്രവർത്തിക്കാൻ തുടങ്ങിയതു്[1]. പ്രവർത്തനം തുടങ്ങി ഒരാഴ്ചക്കകം തന്നെ ആകെ ഉപയോഗിക്കുന്ന സെർച്ച് എഞ്ചിനുകളിൽ രണ്ടാം സ്ഥാനം ബിംഗ് കരസ്ഥമാക്കി[2] . മുന്നിലുള്ള ഗൂഗിളിന്റേത് 87.62%-ഉം ബിംഗിന്റേത് 5.62%-ഉം ആണ്.
യു.ആർ.എൽ. | http://www.bing.com |
---|---|
മുദ്രാവാക്യം | Bing & decide |
വാണിജ്യപരം? | Yes |
സൈറ്റുതരം | സെർച്ച് എഞ്ചിൻ |
രജിസ്ട്രേഷൻ | Optional |
ലഭ്യമായ ഭാഷകൾ | Multilingual |
ഉടമസ്ഥത | മൈക്രോസോഫ്ട് |
നിർമ്മിച്ചത് | Microsoft |
തുടങ്ങിയ തീയതി | June 1, 2009 |
നിജസ്ഥിതി | Active |
മൈക്രോസോഫ്റ്റിന്റെ തന്നെ ലൈവ് സെർച്ചിന്റെയും (Live Search) എംഎസ്എൻ സെർച്ചിന്റെയും പുതിയ അവതാരമാണ് ബിംഗ്. മൈക്രോസോഫ്റ്റ് ഇതിനെ ഒരു "ഡിസിഷൻ എഞ്ചിൻ" എന്നാണ് വിളിക്കുന്നത്.
മൈക്രോസോഫ്റ്റ് സി.ഇ ഒ ആയ സ്റ്റീവ് ബാൾമെർ 2008 മേയ് 28 നു സാൻ ഡീഗോ യിൽ വച്ചു നടന്ന "ആൾ തിങ്സ് ഡിജിറ്റൽ" കോൺഫറൻസിൽ വച്ചാണു ബിംഗിന്റെ പ്രവർത്തനം തുടങ്ങാൻ പോകുന്നതിനെപ്പറ്റി ലോകത്തെ അറിയിച്ചത്. ബിങിന്റെ പ്രിവ്യു പതിപ്പ് 2009 ജൂൺ 1- നും യഥാർത്ഥ പതിപ്പ് 2009 ജൂൺ 3 നും ഓൺലൈനിലെത്തി. സൂചികയായി ഏതെങ്കിലും പദം നൽകി തിരയുമ്പോൾ ആ പദവും അതിന്റെ നാനാർത്ഥങ്ങളും സമാന പദങ്ങളും അടിസ്ഥാനമാക്കി വളരെ വിപുലമായ ഫലമാണു സാധാരണ തിരച്ചിൽ യന്ത്രങ്ങളിൽ നിന്നും ലഭിക്കുക. ഇതിൽ നിന്നും വ്യത്യസ്തമായി ഉപയോക്താവ് എന്താണു ഉദ്ദേശിക്കുന്നതു എന്നു മനസ്സിലാക്കി അതിനനുസരിചുള്ള ഫലം നൽകുന്ന രീതിയാണു ബിംഗ് സ്വീകരിച്ചിരിക്കുന്നത്.