പ്ലാങ്ക് സ്ഥിരാങ്കം
From Wikipedia, the free encyclopedia
ക്വാണ്ടം ഭൗതികത്തിലെ പ്രധാനപ്പെട്ട ഒരു സ്ഥിരാങ്കമാണ് പ്ലാങ്ക് സ്ഥിരാങ്കം (Planck constant). "h" എന്ന അക്ഷരമാണ് ഇതിനെ പ്രതിനിധീകരിക്കാൻ ഉപയോഗിക്കുന്നത്. ഒരു ഫോട്ടോണിന്റെ ഊർജ്ജവും അതിന്റെ ആവൃത്തിയും തമ്മിലുള്ള അംശബന്ധമാണിത് എന്നാണ് ആദ്യം നിർവചിക്കപ്പെട്ടത്. തുടർന്ന് ലൂയിസ് ഡി ദ്രോഗ്ളി ഇത് ഏതു കണത്തിനും ബാധകമാണ് എന്ന് പ്രസ്താവിച്ചു. ഇത് പിന്നീട് പരീക്ഷണങ്ങൾ തെളിയിക്കുകയും ചെയ്തു. ക്വാണ്ടം ഭൗതികത്തിൽ ഊർജ്ജം, കോണീയ സംവേഗം മുതലായവ പ്ലാങ്ക് സ്ഥിരാങ്കവുമായി ബന്ധപ്പെട്ട ഒരു സംഖ്യയുടെ ഗുണിതങ്ങളായാണ് സാധാരണ പ്രത്യക്ഷപ്പെടുന്നത്. ക്വാണ്ടം ഭൗതികത്തിന് തുടക്കം കുറിച്ച ശാസ്ത്രജ്ഞന്മാരിലൊരാളായ മാക്സ് പ്ലാങ്കിന്റെ പേരിലാണ് ഇത് നാമകരണം ചെയ്യപ്പെട്ടിട്ടുള്ളത്.