വിക്കിപീഡിയ:ലേഖനങ്ങളിലെ അവലംബങ്ങൾ - തുടക്കക്കാർക്ക്
From Wikipedia, the free encyclopedia
വിക്കിപീഡിയയിലെ അവലംബങ്ങൾ ലേഖനങ്ങളുടെ ഉള്ളടക്കം ശരിയാണെന്ന് വായനക്കാരന് പരിശോധിച്ചുറപ്പുവരുത്തുന്നതിന് അത്യാവശ്യമാണ്. ഇത് കൂടുതൽ വിവരങ്ങൾ ലഭിക്കാനുള്ള മാർഗ്ഗവുമാണ്. ഏതൊരു ഉപയോക്താവിനും ലേഖനങ്ങളിലെ അവലംബമില്ലാത്ത പ്രസ്താവനകൾ നീക്കം ചെയ്യാൻ സാധിക്കും. യാതൊരു അവലംബവും നൽകാത്ത ലേഖനങ്ങൾ നീക്കം ചെയ്യപ്പെടാനും സാദ്ധ്യതയുണ്ട്. ഒരു ലേഖനത്തിൽ എന്തെങ്കിലും വിവരങ്ങൾ പുതുതായി ചേർക്കുകയാണെങ്കിൽ അതിനൊപ്പം ആ പ്രസ്താവനയെ പിന്താങ്ങുന്ന അവലംബം ചേർക്കുക എന്നത് കഴിയുന്നതും പാലിക്കേണ്ടതാണ്. പുതിയ വിവരം എവിടെനിന്നു വന്നു എന്ന് വായനക്കാരന് മനസ്സിലാകുക എന്നതാണ് ഇതിന്റെ ഉദ്ദേശം. ലേഖനങ്ങളിൽ നിലവിലുള്ള അവലംബങ്ങൾ പുതുക്കുക എന്നതും ചെയ്യേണ്ടതുതന്നെ. ഇത് വളരെ ബുദ്ധിമുട്ടാണെന്ന് തോന്നിയേക്കാം, പക്ഷേ ഇത് തികച്ചും അനായാസമായി ചെയ്യാമെന്നതാണ് വസ്തുത. അവലംബങ്ങൾ നൽകിത്തുടങ്ങാൻ താങ്കളെ സഹായിക്കാനുള്ള ഒരു വഴികാട്ടിയാണിത്.
ഈ താളിൽ ഇൻലൈൻ സൈറ്റേഷനുകൾ നൽകാൻ സാധാരണയായി ഉപയോഗിക്കുന്ന സംവിധാനത്തെപ്പറ്റിയുള്ള വിശദാംശങ്ങളാണ് ഉൾപ്പെടുത്തിയിരിക്കുന്നത്. ഇൻലൈൻ പാരന്തെറ്റിക്കൽ റഫറൻസുകൾ, ജനറൽ റഫറൻസുകൾ എന്നിവ പോലെ മറ്റു രീതികളും അവലംബം നൽകാൻ ഉപയോഗിക്കാവുന്നതാണ്. ഒരു ലേഖനത്തിലെ ആദ്യത്തെ പ്രധാന ലേഖകന് താളിലെ അവലംബം നൽകുന്ന രീതി തിരഞ്ഞെടുക്കാം എന്നത് നല്ലൊരു കീഴ്വഴക്കമാണ്.