Lhéngua amenaçada de stinçon
From Wikipedia, the free encyclopedia
Ua lhéngua amenaçada de stinçon ye ua lhéngua que stá an risco de caer an desuso. Se perder todos ls sous falantes natibos, torna-se ua lhéngua muorta. Se, eibentualmente, naide falar la lhéngua, torna-se ua "lhéngua zaparecida". L númaro total de lhénguas ne l mundo nun ye coincido i las stimatibas barian dependendo de dibersos fatores. Michael E. Krauss stimou qu'eisisten cerca de 6 000 lhénguas an uso atibo, an 2007. La UNESCO tamien usa esse númaro.
Ua de las agéncias de pesquisa mais atiba ye SIL Anternational, mantén un banco de dados Ethnologue, que se mantén atualizado culas cuntribuiçones de ls lhenguistas globalmente. Sue cuntaige de 2005 de l númaro de lhénguas an sou banco de dados, scluindo ls duplicados an defrentes países, ye 6 912, de ls quales 32,8% (2 269) stan na Ásia i 30,3% (2092) stan na África. Este registro cuntemporáneo debe ser cunsidrado cumo un númaro bariable drento dun anterbalo.
Michael E. Krauss notificou an 2007: "L balor total mundial que you tengo ousado ye de 6 000 lhénguas eisistentes, un númaro redondo que porduç ua melionésima parte de la populaçon houmana, ua spece de númaro de l meio ..."
La UNESCO, fuortemente anfluenciada por Michael E. Krauss i Stephen Wurn, adotou l númaro redondo 6 000 i l critério "new speaker" (nuobo falante) na tentatiba de defenir lhénguas amenaçadas.