Liga Árabe
From Wikipedia, the free encyclopedia
La Lhiga Árabe, nome corriente pa la Lhiga de Stados Árabes (Léngua árabe: جامعة الدول العربية) ye ua ourganizaçon de stados árabes fundada an 1945 ne l Cairo por siete países, cul oubjetibo de reforçar i cordenar ls laços eiquenómicos, sociales, políticos i culturales antre ls sous nembros, assi cumo mediar çputas antre estes. Atualmente la Lhiga Árabe cumprende binte i dous stados, que ténen ne l total ua populaçon superior a 200 milhones de habitantes.
Ls países-nembros oureginales éran Líbano, Eigito, Eiraque, Síria, Emirado de la Transjordánia (atual Jordánia), Arábia Saudita, Iémen i repersentantes de l árabes palestinos. Más tarde juntórun-se Sudan, Líbia, Tunísia, Marrocos, Kuait, Argélia, Iémen de l Sul, Bahrein, Qatar, Omana, Eimirados Árabes Ounidos, Mauritánia, Somália, i Djibuti.
Ambora seia cunsiderada pulas Naciones Ounidas ua ourganizaçon regional, tal classeficaçon nun corresponde a la rialidade, bisto que sous Nembros stan spalhados puls cuntinentes africano i asiático. L percipal fator de ounion, que era la binculaçon cul mundo árabe, passou a ser la religion eislámica. Nalguns aspetos, la Lhiga Árabe se aparece a la Quemunidade Británica.