![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/44/SIKKU_KOLAM.jpg/640px-SIKKU_KOLAM.jpg&w=640&q=50)
Indiske bakketeikningar
From Wikipedia, the free encyclopedia
Indiske bakketeikningar er abstrakte eller figurative kortvarige dekorasjonar laga på bakken med pulver, farga væske eller anna materiale. Slike bakketeikningar har lang tradisjon i India. Dei kan lagast dagleg, i samband med religiøse riter og høgtider, eller til andre særskilde høve.
![Thumb image](http://upload.wikimedia.org/wikipedia/commons/thumb/4/44/SIKKU_KOLAM.jpg/640px-SIKKU_KOLAM.jpg)
Teikningane er kjend på ulike indiske språk som alpana/alpona (bengali), aripana (bihari), kolam (tamil), madana (radjasthani) muggu/muggulu (telugu) og rangoli eller chowkpurana/chowk pujan (hindi). Bakketeikningar blir også laga i land med band til India, til dømes i naboland som Pakistan, Nepal, Malaysia og Singapore, og blant indiske utvandrarar. Det finst også liknande tradisjonar i andre kulturar, som sandmandalamaking frå tibetansk buddhisme og sandroing frå Vanuatu.
![Thumb image](http://upload.wikimedia.org/wikipedia/commons/thumb/9/9f/India_-_Sights_%26_Culture_-_Women_drawing_an_intricate_kolam_outside_the_Mylapore_Temple_%282278407131%29.jpg/640px-India_-_Sights_%26_Culture_-_Women_drawing_an_intricate_kolam_outside_the_Mylapore_Temple_%282278407131%29.jpg)