ਫ਼ੇਬੀਅਨ ਸੁਸਾਇਟੀ
From Wikipedia, the free encyclopedia
ਫ਼ੇਬੀਅਨ ਸੁਸਾਇਟੀ ਇੱਕ ਬ੍ਰਿਟਿਸ਼ ਸਮਾਜਵਾਦੀ ਸੰਗਠਨ ਹੈ ਜਿਸ ਦੇ ਮਕਸਦ ਜਮਹੂਰੀ ਸਮਾਜਾਂ ਵਿੱਚ ਜਮਹੂਰੀ ਸਮਾਜਵਾਦ ਦੇ ਅਸੂਲਾਂ ਨੂੰ ਇਨਕਲਾਬੀ ਰਾਜਪਲਟੇ ਦੀ ਬਜਾਏ ਹੌਲੀ ਹੌਲੀ ਅਤੇ ਸੁਧਾਰਵਾਦੀ ਜਤਨਾਂ ਨਾਲ ਅੱਗੇ ਵਧਾਉਣਾ ਹੈ।[1][2]
1900 ਵਿੱਚ ਕਿਰਤ ਪ੍ਰਤੀਨਿਧ ਕਮੇਟੀ ਦੀਆਂ ਬਾਨੀ ਸੰਸਥਾਵਾਂ ਵਿੱਚੋਂ ਇੱਕ ਵਜੋਂ ਅਤੇ ਇਸ ਵਿੱਚੋਂ ਉੱਭਰੀ ਲੇਬਰ ਪਾਰਟੀ ਉੱਤੇ ਮਹੱਤਵਪੂਰਨ ਪ੍ਰਭਾਵੀ ਹੋਣ ਵਾਲੀ ਸੰਸਥਾ ਵਜੋਂ, ਫ਼ੇਬੀਅਨ ਸੁਸਾਇਟੀ ਦਾ ਬ੍ਰਿਟਿਸ਼ ਰਾਜਨੀਤੀ ਉੱਤੇ ਤਕੜਾ ਪ੍ਰਭਾਵ ਰਿਹਾ ਹੈ। ਫ਼ੇਬੀਅਨ ਸੁਸਾਇਟੀ ਦੇ ਮੈਂਬਰਾਂ ਵਿੱਚ ਬ੍ਰਿਟਿਸ਼ ਸਾਮਰਾਜ ਦੇ ਪਹਿਲਾਂ ਦੇ ਹਿੱਸਾ ਰਹੇ ਦੇਸ਼ਾਂ ਦੇ ਕੁਝ ਰਾਜਨੀਤਿਕ ਨੇਤਾ ਵੀ ਸ਼ਾਮਲ ਸਨ, (ਜਿਵੇਂ ਜਵਾਹਰ ਲਾਲ ਨਹਿਰੂ) ਜਿਨ੍ਹਾਂ ਨੇ ਆਪਣੀਆਂ ਰਾਜਨੀਤਿਕ ਵਿਚਾਰਧਾਰਾਵਾਂ ਦੇ ਹਿੱਸੇ ਵਜੋਂ ਫ਼ੇਬੀਅਨ ਸਿਧਾਂਤਾਂ ਨੂੰ ਅਪਣਾਇਆ। ਫ਼ੇਬੀਅਨ ਸੁਸਾਇਟੀ ਨੇ 1895 ਵਿੱਚ ਲੰਡਨ ਸਕੂਲ ਆਫ਼ ਇਕਨਾਮਿਕਸ ਐਂਡ ਪੋਲੀਟੀਕਲ ਸਾਇੰਸ ਦੀ ਸਥਾਪਨਾ ਕੀਤੀ।
ਅੱਜ, ਇਹ ਸੁਸਾਇਟੀ ਮੁੱਖ ਤੌਰ ਤੇ ਥਿੰਕ ਟੈਂਕ ਵਜੋਂ ਕੰਮ ਕਰਦੀ ਹੈ ਅਤੇ ਲੇਬਰ ਪਾਰਟੀ ਨਾਲ ਜੁੜੀਆਂ 21 ਸਮਾਜਵਾਦੀ ਸੁਸਾਇਟੀਆਂ ਵਿੱਚੋਂ ਇੱਕ ਹੈ। ਇਹੋ ਜਿਹੀਆਂ ਸੁਸਾਇਟੀਆਂ ਆਸਟ੍ਰੇਲੀਆ (ਆਸਟਰੇਲੀਅਨ ਫ਼ੇਬੀਅਨ ਸੁਸਾਇਟੀ), ਕਨੇਡਾ (ਡਗਲਸ ਕੋਲਡਵੈਲ ਫਾਉਂਡੇਸ਼ਨ ਅਤੇ ਹੁਣ ਭੰਗ ਕੀਤੀ ਜਾ ਚੁੱਕੀ ਸੋਸ਼ਲ ਪੁਨਰ ਨਿਰਮਾਣ ਲਈ ਲੀਗ), ਸਿਸਲੀ (ਸਿਸੀਲੀਅਨ ਫ਼ੇਬੀਅਨ ਸੁਸਾਇਟੀ) ਅਤੇ ਨਿਊਜ਼ੀਲੈਂਡ (ਦ ਐਨਜ਼ੈਡ ਫ਼ੇਬੀਅਨ ਸੋਸਾਇਟੀ) ਵਿੱਚ ਮੌਜੂਦ ਹਨ।[3]