L'um ch'ha pers sia sumbriva. L'istorgia mirvegliusa da Peter Schlemihl
From Wikipedia, the free encyclopedia
L’um ch’ha pers sia sumbriva. L’istorgia mirvegliusa da Peter Schlemihl (original: ‹Peter Schlemihls wundersame Geschichte›) è in raquint dal poet e perscrutader da la natira Adelbert von Chamisso (1781–1838). L’istorgia cun tratgs fabulus – che sa lascha perquai er attribuir a las paraulas d’art – è vegnida scritta la stad 1813 e publitgada il 1814. Il raquint tracta d’in um giuven che venda sia sumbriva e furma uschia ina variaziun dal motiv classic dal patg cun il diavel. Tras quai cuntanscha el bain ritgezza infinita, ma vegn stigmatisà da la societad e sto la finala guntgir quella (cf. er la versiun rumantscha).