Asie
continende / From Wikipedia, the free encyclopedia
L'Asie, 'u cchiù granne de le continende ('a soje superficie jè cchiù de quatte vote quedde de l'Europe e pare a quase 'nu terze de totte le terre emerse), se presende jndr'ô soje comblesse cumme 'na masse continendale de granne dimensione, e jè 'a sule 'mbrà le terre emerse a essere vagnate da ttrè oceane: l'Oceane Atlàndeche (cu 'u Mar Glaciale Arteche e 'u Mar Mediterranee), l'Oceane Indiane e 'u Pacifiche. 'A masse continendale se spanne a sud cu le ttrè granne penisole de l'Arabie, de l'Indiane e de l'Indocinese. A quiste urteme stonne, cumme prolungamende naturale, le isole de l'Indonesie, mendre cchiù a est, jndr'ô Oceane Pacifiche, ce sonde granne festone de isole ca, da le Curili a 'u Giappone e a le Filippine, formane le confine de le mare costiere. Le punde estreme de l'Asie sonde: A nord Cape Čeljuskin, sus 'a coste siberiane (77° 40' latitudine nord); A sud Cape Buru, a l'estremità d'a penisole de Malacca (1° 16' latitudine nord); A ovest Cape Baba, jndr'à Asie Minore (26° 5' longitudine est); A est Cape Oriendale, sus a 'u strette de Bering (170° longitudine ovest). L'asse nord-sud jè de 8600 km ca., quidde ovest-est de 9000 km ca. L'Asie jè aunite a l'Europe, cu 'a quale forme 'na sule masse continendale, chiamate Eurasie, e jè aunite pure a l'Africa da l'istme de Suez; jè separate da l'Americhe settentrionale da 'u strette de Bering (larghe 92 km); 'u comblesse insulare indonesiane 'a culleghe a l'Australie.