Мария Терезия
From Wikipedia, the free encyclopedia
Мария Терезия, повным йменом Мария Терезия Валпурга Амалия Кристина, (*13. май 1717, Вѣдень – †29. новембер 1780, Вѣдень) з роду Габсбург была велика княгыня (нѣм. Erzherzogin) австрийска, кралиця мадярска (1741–1780) и чешска (1743–1780), маркгрофка моравска и т. д.[2] Была единка пановниця на чешском тронѣ. За ей влады одбыли ся многы реформы державной справы, войска и школства.
Мария Терезия | |
---|---|
з Божой волѣ (римлянска цѣсарька),[1] мадярска и чешска кралиця, велика княгыня австрийска, княгыня бургундска и грофка тиролска | |
Жан-Етьен Лиотар: Мария Терезия Габсбургска | |
Панованя | 20. октобер 1740 – 29. новембер 1780 |
Предходник | Карл VI., в Чехии Карл VII. Баварскый |
Наступник | Йозеф II. |
Родне мено | Мария Терезия Валпурга Амалия Кристина |
Крещѣня | римокатоличка |
Уроджѣня | 13. май 1717, Вѣдень |
Смерть | 29. новембер 1780 (63 рокы) Вѣдень |
Потомкы | 16 (5 хлопцѣ, 11 дѣвкы) |
Дом | Габсбургы |
Династия | Габсбургско-Лотарингска |
Отець | Карл VI. |
Мати | Елизавета Кристина фон Брауншвайг-Волфенбюттел |
Была титулована тыж „цѣсарька римлянска Мария Терезия“, але як жена не могла ся стати пануючов цѣсарьков Святой римлянской империии. За цѣсаря (Франц I. Штефан) быв 13. септембра 1745 выбраный ей муж Франц Штефан Лотарингскый, так же она была лем цѣсаревов женов. Мария Терезия была матерьов 16 дѣтей, з котрых двое стали ся цѣсарями: Йозеф II. и Леополд II., а з дѣвок Мария Антуанетта стала ся французсков, а Мария Каролина неапольсков кралицьов.[3]