Néktar
From Wikipedia, the free encyclopedia
Néktar atawa sari kembang Nyaéta cairan anu rasana amis kareueut tina di jero kembang mangsa keur mangkak ligar.[1] Néktar mangrupa bahan pimadueun loba mibanda gula anu dipikaresep pisan ku rupa-rupa gegeremet, ieu néktar dihasilkeun ku kelenjar nektar anu perenahna di dasar mahkota kembang (perianthium). Daék teu daék ieu gegeremet ngarayap ka jero pikeun nyeuseup nektar, dina waktu anu sarua awakna pagiling fisik jeung putik sari (anthera) ogé pistil .[2]
Néktar mangrupa sumber kadaharan pikeun gegeremet jeung manuk, dina tatanén nektar kacida penting tur loba mangpaatna. Lambaran mahkota anu katempo ku panon manusa ngan sakelir, sabenerna lamun di potrét ku film anu sénsitif kana cahaya UV bakal katempo mibanda gurat - gurat anu nuju ka dasar kembang ieu mangrupa cicirén ayana nektar di jero.[2] Ieu jadi pituduh pikeun gegeremet ayana néktar, sababaraha kembang ogé dipikaresep ku lalay jeung manuk. Sabalikna ogé, kembang anu kermangkak ogé butuh bantuan pikeun lumangsungna penyerbukan (polinasi abiotik).[2]