இந்தியா
ஆசியாவிலுள்ள ஒரு நாடு. / From Wikipedia, the free encyclopedia
இந்தியா (ஆங்கிலம்: India), அதிகாரபூர்வமாக இந்தியக் குடியரசு (Republic of India), தெற்காசியாவில் உள்ள ஒரு குடியரசு நாடாகும். இந்திய துணைக்கண்டத்தின் பெரும் பகுதியைத் தன்னுள் அடக்கியுள்ளது. இந்தியா என்ற பெயர் நாவலந்தேயம் என்னும் பெயரிலிருந்து பெறப்பட்டது. சிலர் சிந்து நதியில் இருந்து பெறப்பட்டதாகச் சொல்லுவதுண்டு. சிந்து நதியில் பெறப்பட்டது இந்து ஆகும். இந்தியப் பெருநிலம் தெற்கே இந்தியப் பெருங்கடல், மேற்கே அரபிக் கடல், கிழக்கே வங்காள விரிகுடா ஆகியவற்றைக் கொண்டுள்ளது. இதன் எல்லை நாடுகளாக மேற்கே பாகிஸ்தான், வடக்கே பூட்டான், மக்கள் சீனக் குடியரசு, நேபாளம், கிழக்கே வங்காளதேசம், மியான்மர் ஆகியவை அமைந்துள்ளன. இலங்கை, மற்றும் மாலத்தீவு ஆகிய நாடுகள் இந்தியப் பெருங்கடலில் இந்தியப் பெருநிலம், மற்றும் இலட்சத்தீவுகளுக்கு அண்மையில் அமைந்துள்ளன. இந்தியாவின் அந்தமான் நிக்கோபார் தீவுகள், தாய்லாந்து, இந்தோனேசியாவின் சுமாத்திரா ஆகியவற்றுடன் அந்தமான் கடலில் கடல் எல்லையைக் கொண்டுள்ளன.[23]
இந்தியக் குடியரசு Republic of India | |
---|---|
குறிக்கோள்: "சத்யமேவ செயதே" "வாய்மையே வெல்லும்"[1] | |
நாட்டுப்பண்: "சன கண மன"[2][3] "நீங்கள் அனைத்து மக்களின் மனதையும் ஆள்பவர்"[4][2] | |
தேசியப் பண் "வந்தே மாதரம்" "நான் உன்னை வணங்குகிறேன், அம்மா" | |
தலைநகரம் | புது தில்லி 28°36′50″N 77°12′30″E |
பெரிய நகர் | |
ஆட்சி மொழி(கள்) | |
தேசிய மொழிகள் | எதுவுமில்லை[8][9][10] |
பிராந்திய மொழிகள் | |
தாய்மொழிகள் | 447 மொழிகள்[lower-alpha 2] |
சமயம் (2011) | |
மக்கள் | இந்தியர் |
அரசாங்கம் | கூட்டாட்சி நாடாளுமன்ற அரசியலமைப்புக் குடியரசு |
திரௌபதி முர்மு | |
செகதீப் தன்கர் | |
• பிரதமர் | நரேந்திர மோதி |
தனஞ்சய ய. சந்திரசூட் | |
ஓம் பிர்லா | |
சட்டமன்றம் | நாடாளுமன்றம் |
• மேலவை | மாநிலங்களவை |
• கீழவை | மக்களவை |
விடுதலை ஐக்கிய இராச்சியத்திடம் இருந்து | |
• மேலாட்சி | 15 ஆகத்து 1947 |
• குடியரசு | 26 சனவரி 1950 |
பரப்பு | |
• மொத்தம் | 3,287,263[2] km2 (1,269,219 sq mi)[lower-alpha 3] (7-ஆவது) |
• நீர் (%) | 9.6 |
மக்கள் தொகை | |
• 2021 மதிப்பிடு | 1,407,563,842[15][16] (2-ஆவது) |
• 2011 கணக்கெடுப்பு | 1,210,854,977[17][18] (2-ஆவது) |
• அடர்த்தி | 424.5/km2 (1,099.4/sq mi) (19-ஆவது) |
மொ.உ.உ. (கொ.ஆ.ச.) | 2022 மதிப்பீடு |
• மொத்தம் | $11.353 நூறாயிரம் கோடி[19] (3-ஆவது) |
• தலைவிகிதம் | $8,079[19] (122-ஆவது) |
மொ.உ.உ. (பெயரளவு) | 2022 மதிப்பீடு |
• மொத்தம் | $3.25 trillion[19] (6-ஆவது) |
• தலைவிகிதம் | $2,313[19] (145-ஆவது) |
ஜினி (2011) | 35.7[20] மத்திமம் · 98-ஆவது |
மமேசு (2019) | 0.645[21] மத்திமம் · 131-ஆம் |
நாணயம் | இந்திய ரூபாய் (₹) (INR) |
நேர வலயம் | ஒ.அ.நே+05:30 (இசீநே) |
பசநே நடைமுறையில் இல்லை | |
திகதி அமைப்பு |
|
வாகனம் செலுத்தல் | இடது[22] |
அழைப்புக்குறி | +91 |
ஐ.எசு.ஓ 3166 குறியீடு | IN |
இணையக் குறி | .in |
பரப்பளவில் இந்தியா ஏழாவது இடத்தில் உள்ள நாடு. இந்தியா மொத்தம் 7,517 கிமீ (4,700 மைல்) நீளக் கடல் எல்லைக் கொண்டது.[24] 2011 மக்கள் தொகை கணக்கெடுப்பின் படி நூற்று இருபத்தொரு கோடி மக்கள் தொகையைக் கொண்டு உலகின் இரண்டாமிடத்தில் இந்தியா உள்ளது.[25]
பொருளாதாரத்தில் பொருள் வாங்குதிறன் சமநிலை அடிப்படையில் நான்காவது இடத்தில் இருக்கின்றது. உலகின் பண்டைய நாகரிகங்களில் இந்தியாவும் ஒன்று ஆகும். சிந்து சமவெளி நாகரிகம் அல்லது அரப்பா-மொகஞ்சதாரோ என்று அழைக்கப்படும் நாகரிகம் இங்கு தோன்றியது ஆகும்.
இந்து சமயம், புத்தம், சமணம், மற்றும் சீக்கியம் ஆகிய நான்கு தலைமை மதங்கள் இந்தியாவிலேயே தோன்றின. பதினேழாம் நூற்றாண்டில் ஐரோப்பிய நாடுகளினால் கைப்பற்றப்பட்டு, 1947 ஆகத்து 15 அன்று விடுதலை பெற்றது. பின்னர் 1950 சனவரி 26 அன்று குடியரசாக அறிவிக்கப்பட்டு உலகின் மிகப்பெரிய குடியரசு நாடாகத் திகழ்கிறது.
இந்தியக் குடியரசுத் தலைவர் ஆணையின் பேரில் 2019 அக்டோபர் 31 அன்று இந்தியாவின் புதிய வரைபடம் வெளியிடப்பட்டது.[26][27]