உடுவுரு
From Wikipedia, the free encyclopedia
கணிதத்தில், உடுவுரு (astroid) என்பது ஒரு குறிப்பிட்ட வகையான சிறுசில்லியாகும். இது நான்கு கூர்களுடைய ஒரு உள்வட்டப்புள்ளியுரு. குறிப்பாக, ஒரு வட்டமானது அதன் ஆரத்தைப்போல நான்கு மடங்கு ஆரமுள்ள நிலையான வட்டத்துக்குள் வழுக்காமல் உருளும்போது அவ்வுருளும் வட்டத்தின் மீதுள்ள ஒரு புள்ளியின் இயங்குவரையாகும்.[1] இரட்டைப் பிறப்பாக்கத்தில், உடுவுருவானது ஒரு வட்டமானது அதன் ஆரத்தைப்போல 4/3 மடங்கு ஆரமுள்ள நிலையான வட்டத்துக்குள் நழுவாமல் உருளும்போது அவ்வுருளும் வட்டத்தின் மீதுள்ள ஒரு புள்ளியின் இயங்குவரையாகும். ஒவ்வொரு முனையும் ஒரு ஆய அச்சின் மீதே இருக்குமாறு நகரும் நிலையான நீளமுள்ளதொரு கோட்டுத்துண்டின் சூழ்வாகவும் உடுவுருவை வரையறுக்கலாம். எனவே ஆர்க்கிமிடீசின் வளைக்கவராயத்தின் நகரும் பட்டைத்துண்டின் சூழ்வும் ஒரு உடுவுருவாகும். உடுவுருவின் தற்கால ஆங்கிலப் பெயரான astroid என்பது "விண்மீனைக்" குறிக்கும் கிரேக்கச் சொல்லில் இருந்து ("Astrois") பெறப்பட்டது.[2][3]