நேபாளப் பொதுவுடைமைக் கட்சி (ஒமாலெ)
From Wikipedia, the free encyclopedia
நேபாளப் பொதுவுடைமைக் கட்சி (ஒமாலெ) (नेपाल कम्युनिस्ट पार्टी (एमाले)) நேபாள நாட்டிலுள்ள ஒரு பொதுவுடமைக் (அரசியல்) கட்சி ஆகும். அக்கட்சி 1990-ஆம் ஆண்டு நேபாளப் பொதுவுடைமைக் கட்சி (மார்க்சியம்-இலெனினியம்), நேபாள பொதுவுடைமைக் கட்சி (மார்க்சியம்) ஆகிய இரண்டு கட்சிகளையும் இணைத்துத் தொடங்கப்பட்டது.இதனுடைய முதல் கூட்டம் நேபாளம், மொராங், இதகாராவில் இரதுவாமை நகராட்சியில் முந்தையப் பொதுச் செயலாளரும் மக்கள் ஏற்புடைய தலைவருமாகிய மதன் பந்தாரி வீட்டில் நடந்தது. இந்தக் கட்சி நான்கு தடவை அரசின் தலையேற்றது; முதலில், மன்மோகன் அதிகாரி தலைமையில் 1994 முதல் 1995 வரையிலும் அடுத்து மாதவ் குமார் நேபால் தலைமையில் 2009 முதல் 2011 வரையிலும் 2011 இல் சாலா நாத் கனால் தலைமையிலும் அதற்கடுத்து கட்க பிரசாத் சர்மா ஒளி தலைமையில் 2015 முதல் 2016 வரையிலும் அரசுத் தலை ஏற்றது. இந்தக் கட்சி ஐந்து தடவை மற்ர கட்சிகளோடு கூட்டக அரசில் பங்கு வகித்துள்ளது. இது முதலில் 1997 இல் [[உலோகேந்திர பகதூர் சந்த் தலைமையிலும் அடுத்து கிரிஜா பிரசாத் கொய்ராலா தலைமையில் 1998 முதல் 1999 வரையிலும் பின்னர் புழ்சுபா கமல் தாகல் தலைமையில் 2008 முதல் 2009 வரையிலும் அதற்கடுத்து பாபுராம் பத்தாரை தலைமையில் 2011 முதல் 2013 வரையிலும் கடைசியாக 2014 முதல் 2015 வரையில் சுழ்சி கொய்ராலா தலைமையிலும் அர்சில் பங்கேற்றது.[6]
நேபாளப் பொதுவுடைமைக் கட்சி (ஒமாலெ) | |
---|---|
नेपाल कम्युनिष्ट पार्टी (एकीकृत मार्क्सवादी-लेनिनवादी) | |
தலைவர் | கட்க பிரசாத் சர்மா ஒளி |
பொதுச் செயலாளர் | ஈசுவர் பொகாரல் |
தொடக்கம் | ஜனவரி 6, 1991 |
தலைமையகம் | ஆகீர்த்தி மார்கு, தும்பராகி, காத்மண்டு, நேபாளம் |
மாணவர் அமைப்பு | அனைத்து நேபாள தேசிய தற்சார்பு மாணவர் ஒன்றியம் |
இளைஞர் அமைப்பு | நேபாள இளைஞர் கழகம் (நே இ க) |
தொழிலாளர் பிரிவு | நேபாளத் தொழிற்சங்கங்களின் பொதுக் கூட்டமைப்பு |
கொள்கை | பொதுவுடைமை மார்க்சியம்-இலெனினியம் பலகட்சி மக்களாட்சி |
அரசியல் நிலைப்பாடு | நடுவண்-இடது[1][2][3] இடது பிரிவு வரை[4][5] |
பன்னாட்டு சார்பு | பொதுவுடைமை, தொழிலாளர் கட்சிகளின் பன்னாட்டுக் கூட்டம் |
பேராளர் இல்லம் | 121 / 275 |
நாடாளுமன்றத்தில் இடங்கள் | 27 / 59 |
கட்சிக்கொடி | |
இணையதளம் | |
www.cpnuml.org |
இந்தக் கட்சியின் பொதுச் செயலாளராக மாதவ் குமார் நேபால் இருந்தார். இக்கட்சியின் தலைவராக 2014 சூலை முதல் கட்க பிரசாத் சர்மா ஒளி உள்ளார்.
இந்தக் கட்சி "புத்தாபார்" என்ற இதழை வெளியிடுகிறது.
அந்தக் கட்சியின் இளையோர் அமைப்பு நேபாள இளைஞர் கழகம் (நே இ க) ஆகும்.
1999 நடைபெற்ற பாராளுமன்றத் தேர்தல்களில் அக்கட்சி 2734568 வாக்குகளையும் (31.61%) 71 இடங்களையும் பெற்றது.