பிரெனெல் விளக்கு
From Wikipedia, the free encyclopedia
ஃபிரெனெல் விளக்கு (பிரெனெல் விளக்கு, Fresnel lantern) அல்லது சுருக்கமாக ஃபிரெனெல் என அழைக்கப்படுவது, கலை அரங்குகளில் ஒளியமைப்புக்குப் பயன்படும் ஒரு பொட்டொளி விளக்கு ஆகும். மேடையின் குறிப்பிட்ட ஒரு பகுதிக்கு மட்டும் ஒளி கொடுப்பதற்காகப் பயன்படும் இவ்விளக்கில் ஃபிரெனெல் வில்லைகள் பொருத்தப்படுகின்றன. இவ்வில்லை, பின்னொளி, மேலொளித் தேவைகளுக்குப் பொருந்தக்கூடிய, சற்று விரிந்த மென்விளிம்பு கொண்ட ஒளிக்கற்றையை வழங்குகிறது.
இந்தக் கட்டுரையில் மேற்கோள்கள் அல்லது உசாத்துணைகள் எதுவும் இல்லை. |
இவ்வில்லையைக் கண்டுபிடித்த அகஸ்டீன்-ஜீன் ஃபிரெனெல் என்பவரின் பெயரைத் தழுவியே இதற்குப் பெயரிடப்பட்டது. வழமையான வில்லைகளைப் போல் அன்றி இதன் மேற்பரப்பு ஒரு மைய வட்டவடிவிலான படியமைப்புத் தோற்றம் கொண்டது. இவ்வடிவுரு வில்லையூடு செல்லும் ஒளியை முறித்து, ஃபிரெனெல் வில்லைகளுக்கே உரிய இயல்பான மென்னொளிக் கற்றைகளை வெளிவிடுகிறது. இதனால், ஒளிக்கற்றையின் விளிம்புப் பகுதிகளில் நடுப்பகுதியைக் காட்டிலும் குறைவான ஒளிச்செறிவு இல்லாமல், ஒளிக்கற்றை விழும் இடத்தின் எல்லாப் பகுதிகளும் சீரான ஒளிச்செறிவைக் கொண்டு அமைகின்றன. தளக்குவிவு வில்லைகளைப் பயன்படுத்திய முன்னைய விளக்குகளைக் காட்டிலும், ஃபிரெனல் விளக்குகளில் வெப்ப அதிகரிப்பும் குறைவாகவே காணப்படுகின்றது.