2008 கோடை ஒலிம்பிக் பதக்க நிலவரம்
From Wikipedia, the free encyclopedia
2008 கோடை ஒலிம்பிக் பதக்க நிலவரம் என்பது சீனாவில் பெய்ஜிங்கில் இடம்பெற்ற 2008 ஒலிம்பிக் விளையாட்டுப் போட்டிகளில் நாடுகள் பெற்ற பதக்கங்களின் எண்ணிக்கை பட்டியல் ஆகும். இப்போட்டிகள் ஆகஸ்ட் 8 முதல் ஆகஸ்ட் 24, 2008 வரை நடைபெற்றன. கிட்டத்தட்ட 10,500 போட்டியாளர்கள் 28 வகையான விளையாட்டுக்களில் 302 போட்டிகளில் பங்குபற்றினர்[1].
ஆப்கானிஸ்தான்,[2] பாஹ்ரேன்,[3] மொரீசியஸ்,[4] சூடான், தஜிகிஸ்தான்[5], டோகோ[6] ஆகிய நாடுகள் தமது முதலாவது ஒலிம்பிக் பதக்கங்களைப் பெற்றன. சேர்பியா தனது முதலாவது ஒலிம்பிக் பதக்கத்தை தனிநாடாகப் பெற்றுக் கொண்டது. இது முன்னர் யூகொஸ்லாவியா அணியில் விளையாடி பதக்கங்களைப் பெற்றிருந்தது[7]. பாஹ்ரேன், மங்கோலியா, பனாமா ஆகியன தமது முதலாவது தங்கப் பதகங்களைப் பெற்றுக் கொண்டன[8]. மொத்தம் 88 நாடுகள் பதக்கங்களைப் பெற்றன. இவற்றில் 55 நாடுகள் குறைந்தது ஒரு தங்கப் பதக்கத்தைப் பெற்றன.