ஜோசப் லூயி லாக்ராஞ்சி
From Wikipedia, the free encyclopedia
ஜோசப் லூயி லாக்ராஞ்சி (Joseph Louis Lagrange, சனவரி 25, 1736 - ஏப்ரல் 10, 1813) பிரச்சியா, பிரான்ஸ், முதலிய நாடுகளில் வாழ்ந்து இருபது வயதுக்குள்ளேயே கணிதத்தில் சாதனை படைத்த அறிவியலாளர். செல்வம் பொருந்திய தாய் தந்தையருக்கு 11-வது குழந்தையாகப் பிறந்து தான் ஒருவனே குழந்தைப் பருவத்தைத் தாண்டி ஆளாகியிருந்தும், செலவாளியான தந்தையின் செல்வம் ஒன்றும் தனக்கு மிஞ்சவில்லை என்பதை ஒரு நற்பேறாகவே கருதிய மேதை; ஏனென்றால்,பிற்காலத்தில் அவர் 'நான் பெரிய சொத்துக்கு வாரிசாகியிருந்தால் ஒருவேளை கணித உலகிற்குள் நுழையாமல் இருந்திருக்கக்கூடும்' என்றார். The Mecanique analytique (பகுநிலையியக்கவியல்) என்ற அவருடைய வானளாவிய படைப்பு அவரது 19-வது வயதிலேயே மனதில் கரு தோன்றி 58-வது வயதில் பிரசுரிக்கப்பட்டு இன்றும் நிலையியக்கவியலுக்கு இன்றியமையாத ஓர் அடிப்படை நூலாகக் கருதப் படுகிறது. மற்றும், இயற்கணித சமன்பாடுகள், வான நிலையியக்கவியல், எண் கோட்பாடு, மாறுபாடுகளின் நுண்கணிதம் நிகழ்தகவு, முதலிய துறைகளிலும் முதல்தரமான பங்களித்தவர்.
யோசப் லூயி லாக்ராஞ்சி Joseph-Louis Lagrange | |
---|---|
பிறப்பு | (1736-01-25)25 சனவரி 1736 டூரின், சார்தீனிய இராச்சியம் |
இறப்பு | 10 ஏப்ரல் 1813(1813-04-10) (அகவை 77) பாரிசு, பிரான்சு |
தேசியம் | சார்தீனியர் பிரெஞ்சு |
துறை | கணிதம் கணித இயற்பியல் |
பணியிடங்கள் | எக்கோல் பொலிடெக்னிக் |
ஆய்வு நெறியாளர் | லியோனார்டு ஆய்லர் |
முனைவர் பட்ட மாணவர்கள் | ஜோசப் ஃபூரியே |