மலேசிய நேரம்
From Wikipedia, the free encyclopedia
மலேசிய நேரம் அல்லது மலேசிய சீர் நேரம் (ஆங்கில மொழி: Malaysia Standard Time (MST)), (மலாய்: Waktu Piawai Malaysia (WPM)) என்பது மலேசியா முழுவதும் கடைப்பிடிக்கப்படும் ஒரு நேர முறைமையாகும். இந்த நேர வலயம், கிரீன்விச் துள்ளிய நேரத்திற்கு (ஆங்கில மொழி: Greenwich Mean Time (GMT)) +07:30 மணி நேரம் முன்னதாக அமைகின்றது. கோலாலம்பூரில் முன்பு உள்நாட்டு நேரமாக GMT+06:46:48 என இருந்தது. 1880ஆம் ஆண்டு வரை இந்த நேரப் பயன்பாடு அமலில் இருந்து வந்தது. அதன் பின்னர் சிங்கப்பூரின் GMT+06:55:24 உள்நாட்டு நேரம் பயன்படுத்தப்பட்டது.
இரண்டாம் உலகப்போருக்குப் பின்னர், 1963 செப்டம்பர் 16ஆம் தேதி வரையில், பிரித்தானிய மலாயா சீர் நேரம் (ஆங்கில மொழி: British Malayan Standard Time) என்று அழைக்கப்பட்டது. அந்தப் பிரித்தானிய மலாயா சீர் நேரம், கிரீன்விச் துள்ளிய நேரத்திற்கு +07:30 முன்னதாக அமைந்து இருந்தது.
1981 டிசம்பர் 31ஆம் தேதி, இரவு 11.30க்கு (2330 hrs local time), தீபகற்ப மலேசியாவைச் சேர்ந்த மக்கள் மட்டும், தங்களின் கடிகார நேரத்தை 12.00க்கு (00:00 hrs local time) முன்னதாக வைத்து சரி செய்து கொண்டார்கள். கிழக்கு மலேசியாவில் அமலில் இருந்த UTC+08:00 உள்நாட்டு நேர வலயத்திற்கு சரி சமமாக மலேசியா முழுவதும் நேரம் சரி செய்யப்பட்டது.
இந்தப் புதிய நடைமுறை வருவதற்கு முன்னர், இந்தியாவிற்கும் மேற்கு மலேசியாவிற்கும் நேர இடைவெளி 2 மணி நேரமாக இருந்தது. 1982 ஜனவரி 1லிருந்து நேர இடைவெளி முப்பது நிமிடங்கள் அதிகரிக்கப்பட்டு 2 1/2 மணி நேரமாக மாறியது.