స్లెడ్జింగ్
From Wikipedia, the free encyclopedia
క్రికెట్ క్రీడలో, స్లెడ్జింగ్ అంటే ప్రత్యర్థి ఆటగాడిని ఉద్దేశపూర్వకంగా అవమానించడం లేదా మాటలతో భయపెట్టడం. దీని ఉద్దేశం, ప్రత్యర్థి ఏకాగ్రతను దెబ్బతీసేందుకు ప్రయత్నించడం, తద్వారా వారి ఆటను దెబ్బతీయడం లేదా తప్పులు చేసేలా చేయడం. [4] క్రీజులో ఉన్న బ్యాట్స్మన్లు, బౌలరు, కొంతమంది సన్నిహిత ఫీల్డర్లూ ఒకరికొకరు వినబడేంత దగ్గరగా ఉంటారు కాబట్టి, ఈ దూషణలు వారిపై ప్రభావం చూపుతాయి. దూషణలు నేరుగా ఉండవచ్చు లేదా బ్యాట్స్మన్ వినేలా ఫీల్డర్ల మధ్య జరిగే సంభాషణల లాగానూ ఉండవచ్చు. ఈ స్లెడ్జింగ్ అనే పదాన్ని ఇతర క్రీడలలో కూడా ఉపయోగించారు. ఉదాహరణకు టెన్నిస్ ఆటగాడు నిక్ కిర్గియోస్ తన ప్రత్యర్థి స్టాన్ వావ్రింకాను అవమానించేందుకు అతని స్నేహితురాలికీ మరొక ఆటగాడికీ మధ్య జరిగిన ఒక సంఘటనను సూచిస్తూ మాట్లాడినపుడు ఈ మాటను ఉదహరించారు. [5]
స్లెడ్జింగు, క్రీడాస్ఫూర్తిని కించపరచేదా లేదా కేవలం హాస్య సంభాషణేనా అనే చర్చ క్రికెట్ ప్రపంచంలో ఉంది. [6] స్లెడ్జింగును, తిట్టడం అని కొందరంటారు. కొన్నిసార్లు ఇవి వ్యక్తిగత హద్దులను దాటిపోతాయని మాత్రం చాలామంది అంగీకరించే సంగతి.
స్లెడ్జింగ్ ఆటగాళ్ళ ధ్యాసను మళ్ళించేలా చెతురాడే ప్రయత్నంగా భావించవచ్చు. ఆస్ట్రేలియా మాజీ కెప్టెన్ స్టీవ్ వా ఈ అభ్యాసాన్ని "మానసిక విచ్ఛిన్నం" అని వర్ణించాడు.[7]