اسلام آباد
پاکستان کا دار الحکومت / From Wikipedia, the free encyclopedia
اسلام آباد (انگریزی: Islamabad), (ہندی: इस्लामबाद ، (بنگالی: ইসলামাবাদ))،[2] پاکستان کا دار الحکومت ہے۔ اسلام آباد کا پرانا نام راج شاہی تھا۔[3] 1958ء میں اس وقت کے صدر ایوب خان[4] نے راولپنڈی کے قریب اس جگہ کا انتخاب کر کے یہاں نیا شہر تعمیر کرنے کا حکم دیا تھا۔ اس نئے دار الحکومت کے لیے زمین کا انتظام کیا گیا جس کے لیے صوبہ خیبر پختونخوا اور صوبہ پنجاب سے زمین حاصل کی گئی۔ عارضی طور پر دار الحکومت کو راولپنڈی منتقل کر دیا گیا اور 1960ء میں اسلام آباد میں ترقیاتی کاموں کا آغاز شروع ہوا۔ شہر کی طرز تعمیر کا زیادہ تر کام یونانی شہری منصوبہ دان کانسٹینٹ ٹینس اپوستولس ڈوکسڈز[5][6] نے کیا، جس میں اس نے اسے آٹھ زونز میں تقسیم کیا۔ انتظامی، ڈپلومیٹک انکلیو، رہائشی علاقے، تعلیمی اور صنعتی شعبے، تجارتی علاقوں کے ساتھ ساتھ اسلام آباد میٹروپولیٹن کارپوریشن کے زیر انتظام دیہی اور سبز علاقے جو کیپٹل ڈویلپمنٹ اتھارٹی کے تعاون سے ہیں۔ 1968ء میں دار الحکومت کو اسلام آباد منتقل کر دیا گیا۔ 1958ء تک پاکستان کا دار الحکومت کراچی رہا۔[7][8][9] کراچی کی تیزی سے بڑھتی آبادی اور معاشیات کی وجہ سے دار الحکومت کو کسی دوسرے شہر منتقل کرنے کا سوچا گیا۔ اسلام آباد اپنے اعلیٰ معیار زندگی، حفاظت، صفائی ستھرائی اور وافر ہریالی کے لیے قابل ذکر ہے۔[10] اسلام آباد مارگلہ ہل نیشنل پارک اور شکر پڑياں سمیت متعدد پارکوں اور جنگلات کی موجودگی کے لیے جانا جاتا ہے۔ یہ پاکستان کا نواں سب سے زیادہ آبادی والا شہر ہے، جس کی آبادی 1.2 ملین سے زیادہ ہے۔ فیصل مسجد جو دنیا کی پانچویں سب سے بڑی مسجد ہے اسلام آباد میں تعمیر کی گئی۔ دیگراہم مقامات میں پاکستان مونومنٹ اور ڈیموکریسی اسکوائر شامل ہیں۔[11][12] دار الحکومت بننے کے بعد اسلام آباد نے پاکستان بھر سے لوگوں کو اپنی طرف متوجہ کیا اور دار الحکومت کے طور پر اس شہر نے کئی اہم اجلاسوں کی میزبانی بھی کی۔ [6][13] [14]
اس صفحہ کو محفوظ کر دیا گیا ہے؛ استفسارِ وجوہات اور متعلقہ گفتگو کے لیے تبادلۂ خیال کا صفحہ استعمال کریں۔ |
اسلام آباد | |
---|---|
(انگریزی میں:- Islamabad) | |
(عربی میں:- إسلام آباد) | |
منسوب بنام | اسلام |
تاریخ تاسیس | 1960 |
انتظامی تقسیم | |
ملک | پاکستان [1] |
دار الحکومت برائے | |
تقسیم اعلیٰ | اسلام آباد وفاقی دارالحکومت علاقہ |
جغرافیائی خصوصیات | |
متناسقات | 33.282, 73.123 |
رقبہ | 906 کلومیٹر کم² |
بلندی | 540 میٹرز (1,770 فٹ) |
آبادی | |
کل آبادی | 2,014,825 --- (2017ء کی مردم شماری کے مطابق) |
مزید معلومات | |
جڑواں شہر | |
اوقات | متناسق عالمی وقت+05:00 ، متناسق عالمی وقت+06:00 (روشنیروز بچتی وقت )، پاکستان کا معیاری وقت |
سرکاری زبان | اردو، انگریزی |
رمزِ ڈاک | |
فون کوڈ | 051 |
قابل ذکر | |
باضابطہ ویب سائٹ | باضابطہ ویب سائٹ |
جیو رمز | 1176615 |
درستی - ترمیم |
اسلام آباد میں 20 یونیورسٹیاں ہیں جن میں بین الاقوامی اسلامی یونیورسٹی، وفاقی اردو یونیورسٹی، علامہ اقبال اوپن یونیورسٹی اور قائداعظم یونیورسٹی شامل ہیں۔ [15] اسلام آباد پاکستان کے محفوظ ترین شہروں میں سے ایک ہے اور اس میں تقریباً 2000 فعال سی سی ٹی وی کیمروں کا نظام ہے۔ [16][17]