ایئر کنڈیشنگ
From Wikipedia, the free encyclopedia
ایئر کنڈیشنگ یا ہوا سدھار (جسے اے سی، اے /سی یا ایئر کون بھی کہا جاتا ہے[1]) کسی بند جگہ میں بادگردانی، رطوبت، حرارت اورہوائی صورت حال کو حسب ضرورت رکھنے کا عمل ہے۔ ایئر کنڈیشنگ گھریلو اور تجارتی دونوں مقاصد کے لیے استعمال کیا جا سکتا ہے۔ یہ عمل زیادہ تر اندرونی ماحول کو زیادہ آرام دہ اور پرسکون بنانے کے لیے استعمال کیا جاتا ہے، جو عام طور پر انسانوں یا جانوروں کے لیے ہوتا ہے ؛ البتہ، ایئر کنڈیشنگ کمروں میں برقی آلات جیسے کمپیوٹر سرورز، پاور ایمپلیفائرز سے پیدا ہونے والی حرارت کو ٹھنڈا کرنے یا بعض اوقات نمی کی مقدار کو کم کرنے اور مصوری متعلقہ کام کی نمائش کرنے اور انھیں محفوظ کرنے کے لیے بھی استعمال ہوتا ہے۔
ایئر کنڈیشنر اکثر کسی پنکھے کے استعمال سے کسی مقام جیسے گھر یا کار وغیرہ کی ہوا کی صورت حال میں مناسب یا مطلوب تبدیلی کر کے مکان یا عمارت کے اندرونی حصے کو آرام دہ بناتا ہے۔