آل راؤنڈر
From Wikipedia, the free encyclopedia
آل راؤنڈر یا ہر فن مولٰی (انگریزی: All-rounder) کی اصطلاح ویسے تو کسی شخص کے ایک ساتھ میدانوں میں مہارت رکھنے اور خود کو کئی زمروں میں عمیق علم و ہنر کے مظاہرے کے لیے مستعمل ہو سکتی ہے، تاہم یہ اصطلاح حالیہ عرصوں میں کرکٹ میں بہ یک وقت بلے بازی اور گیند بازی کے ہنروں میں نمایاں قابلیت کا مظاہرہ دینے والے کے لیے مستعمل ہے جسے کئی بار انگریزی اصطلاح کے مطابق آل راؤنڈر بھی کہتے ہیں۔ حالاں کہ کئی بار گیند بازوں کو عند الضرورت بلا اٹھا کر رن بنانا پڑتا ہے اور کبھی کبھار بلے باز بھی حسب موقع گیند بازی کر لیتے ہیں، تاہم زیادہ تر کھلاڑی ان دونوں میں سے کسی ایک ہی کو اپنا خاصا بنا لیتے ہیں۔ کچھ وکٹ کیپر ماہر بلے بازوں کے ہنر رکھتے ہیں اور انھیں اس وجہ سے بھی ہر فن مولٰی کہا گیا ہے، تاہم زیادہ تر ان کے لیے وکٹ کیپر بلے باز کی اصطلاح کا اطلاق ہوتا ہے، یہ اس وقت بھی ممکن ہے جب وہ محفوظ وکٹ کیپر ہیں اور کبھی کبھار گیند بازی بھی کر دیتے ہیں۔