Arrows
From Wikipedia, the free encyclopedia
L' Arrows Grand Prix International xe stà on team britanico de Formula 1 fondà inte el 1977 dal finansiere tajan Franco Ambrosio e dai ex-conponenti dela squadra Shadow Alan Rees, Jackie Oliver, Dave Wass e Tony Southgate. Oltre a esar l'acronimo dei nomi dei fondatori, el nom dela squadra el signifega anca "frece" in inglese.
Arrows | |
Stagioni | 1978-2002 |
Risultato mejo | 5° (1988) |
GP disputà | 381 |
GP vinti | 0 |
Pole-position | 1 |
Co il nome di Footwork dal 1991 al 1996 | |
Statistiche de Formula 1 | |
Sircuiti | Fornitori | Gran Premi | Persone | Piloti | Scuderie | Stagioni | Machine | |
La sede del team xera stabilìa a Milton Keynes in Inghiltera, doe in soli 53 dì xe stà realisà la prima monoposto. Come piloa el xera stà ciamà Riccardo Patrese, che dopo sol tri gare, ghe riusì a conquistar ei primi punti mondiai par el team al GP dei Stati Unii disputà a Long Beach.
Par reati de tipo finansiario Ambrosio el xe stà arestà in Italia, e ga abandonà el team. En seguito el team Shadow ga sità in giudisio la Arrows, sostenendo che el loro model FA/1 nol xera antro che na copia dela Shadow DN9: l'Arrows ga desido de costruir ex-novo na vetura ciamà A1. La machina la xe stà realisà 'n'antra olta a tenpo de record (52 dì), e ga fato el so debuto el dì dopo che l'Alta Corte 'nglese gavea vietà la partecipasion ale corse del modelo FA/1.