Breaking Bad
From Wikipedia, the free encyclopedia
Breaking Bad ła ze na serie tełeviziva de i Stati Unii, nasùa da na idèa de Vince Gilligan e pasà da l’emittente vìa cavo AMC da’l 20 de zenaro 2008 a’l 29 de setenbre 2013.
Ła serie ła ga risevùo óteme recension da parte de ła crìtega, soratuto par ła senejadura, ła rejìa e łe intarpretasion de i atori prensipałi. Inte’l 2013 el Writers Guild of America el ga nomenà Breaking Bad cofà ła tredasézema serie mejo scrivesta de tuti i tinpi. Senpre inte’l steso ano, Guinnes World Records ła ga nomenà cofà ła serie co ła pì alta vałutasion de tuti i tinpi, portando de ezenpio ła cuinta stajon co’l puntejo de 99/100 secondo Metacritic. A ga vinto anca racuanti premi : 16 Emmy Award, 8 Satellite Award, 12 Saturn Award, 6 WGA Award, 5 TCA Award, 2 Golden Globe, 3 Screen Actors Guild Award, 1 PGA Award, 2 DGA Award e 6 Critics’ Choice Television Award. In Itałia A ze stà pasà in prima vizion so’l canałe satełetare AXN da’l 15 de novenbre 2008 a’l 9 novenbre 2013 e da’l 2010 in ciaro so Rai 4.