სამარგალო
ისტორიული რეგიონი სამარგალო-ჟიმოლენ შონეშ დო აფხაზეთიშ აკანს, საქორთუოს / From Wikipedia, the free encyclopedia
სამარგალო (ქორთ. სამეგრელო) — ბჟადალ საქორთუოშ ისტორიულ-გეოგრაფიული მუხური. აშაძჷ წყარმალუ რიონს, ცხენწყარს, ინგირს დო უჩა ზუღა შქას. ჯოხოდვალა მოურს ისტორიული მუხურიშ, ეგრისიშ ომაფეშე. ქორთულ ჭარილობით წყუეფს მაართათ იშინუაფუ XII ოშწანურაშე. დუდშე სამარგალოშ ჯოხო გომანგაფილი რდჷ თელი ბჟადაალ საქორთუოშ ჯოხოწკჷმა (მუჭოთ აფხაზეთი დო იმერეთი). XIII-XV ოშწანურეფშე ტერმინი ჯოხო ხვალე ქორთუეფიშ ეთნოგრაფიული ბუნათ — მარგალეფით დოხორინელ მუხურს წყარმალუ ფსირცხას დო ცხენწყარიშ შქას. ცენტრალური ნოღა რე ზუგდიდი.
სამარგალო | |
---|---|
სამარგალო | |
ქიანა | საქორთუო |
რეგიონი | სამარგალო-ჟიმოლენი შონე |
ფართობი | 4400 კმ² |
მახორობა | 451852 (2002) კოჩი |
კოორდინატეფი | დაზუსტებელი რე |
გვიან შქა ოშწანურეფს თე ტერიტორიას დირსხუ ოდიშიშ სათაროქ. XIX ოშწანურაშ მაართა გვერდიშე კჷნე რჩქინდუ ჯოხოდვალა „სამარგალო.“ XVII ოშწანურაშ მაართა გვერდის აფხაზი ფეოდალეფიშ მონჯირაშ გეშა, სამარგალოშ სამძღოქ დიო წყარმალუ კელასურშა, უკული ღალიძგაშა, ეკონიას ინგირშა გინილჷ. ამდღარი ადმინისტრაციულ-ტერიტორიული დორთუალათ სამარგალო მიშმურს სამარგალო-ჟიმოლენ შონეშ ადმინისტრაციულ აკანშა დო იკათუანს ნოღა ფუთიშ, ზუგდიდიშ, მარტვილიშ, სანაკიშ, ჩხოროწყუშ, წალნჯიხაშ დო ხობიშ მუნიციპალიტეტეფიშ ტერიტორიეფს.