玩
From Wikipedia, the free encyclopedia
喺動物學同心理學等領域上,
玩對於童年嚟講相當重要。動物學上嘅研究發現,無論係乜嘢物種,動物通常喺幼年期嗰陣會花最多嘅時間嚟玩,一旦到咗成年期,用嚟玩嘅時間嘅量就會下降[2]。喺人類細路當中,適量嘅玩對學習同發育嚟講不可或缺:細路會通過玩嚟學同人合作、處理衝突、語言同埋思考等嘅重要技能[3]。而事實係有多份研究試過量度一個細路細個嗰時花幾多時間玩,跟住睇吓啲細路喺青春期嘅成長歷程,呢啲研究發現,細個嗰陣玩得少得滯嘅青少年患上心理病嘅機會率比較高[4]。
喺人類當中,玩呢種行為係好多文化產物嘅起源:玩具泛指俾人用嚟玩嘅物品,而遊戲就係指跟規則嘅玩[5];喺廿一世紀嘅社會,玩具生產同遊戲製作都係龐大嘅產業,例如係喺 2020 年,淨係美國嘅電子遊戲市場就經已值成 604 億美元咁多-每年都有好多人係噉喺度創作新嘅遊戲[6]。