第7屆香港區議會選舉
香港區議會的第七屆選舉 / From Wikipedia, the free encyclopedia
2023年香港區議會選舉,係香港主權移交後第7屆區議會選舉,定喺2023年12月10日舉行,呢次選舉總共產生470個區議員議席,其中有88個地方選區議席、176個地區委員會議席、179個委任議席同埋27個當然議席。呢場選舉普遍被視為係一場繼2021年香港立法會選舉後,又一次由中國共產黨操控嘅一場表演性選舉。
Quick Facts 地方選區議席:88席地區委員會議席:176席委任議席:179席當然議席:27席總共議席:470席, 投票率 ...
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Close
呢場選舉係中共喺2019年香港區議會選舉民主派贏到開巷同親中派輸到甩褲之後輸打贏要,未經香港人同意或者事先諮詢,就強行顛覆香港選舉制度,大幅度削減區議會直選議席數目同比例,恢復返已經廢除咗嘅委任議席,同時將政治審查制度化之後嘅第一次區議會選舉。而且由於呢次選舉剝奪咗香港選民嘅真正選擇權,再加上大量政治異見人士因為遭到港版國安法嘅迫害而坐緊監。因此大部分民主派都杯葛呢場選舉,所以呢次亦係首次有主要政治派系明言唔參加嘅香港區議會換屆選舉。
由於呢場選舉畀絕大多數香港人及國際社會視為假選舉,即使喺香港政府出盡全力催谷之下,甚至投票時間畀香港政府攞電腦「壞咗」做藉口強行延長一個半鐘到午夜12點,投票率都係跌到得返27.54%,創咗自1982年區議會選舉開始以嚟嘅歷史新低,同上屆71.23%嘅史上最高嘅投票率形成強烈對比。
英國、美國、加拿大、澳洲、紐西蘭、法國、德國、意大利、日本、歐盟等多個自由世界國家都唔承認呢場由中共操控嘅假選舉,同埋嚴厲譴責中共大搞政治迫害。