燒嘢食
From Wikipedia, the free encyclopedia
燒嘢食(粵拼:siu1 je5 sik6;英文:Barbecue,又叫 BBQ,讀音似粵拼:bi1 bi1 kiu1)係一種煮食方法,通常認為係人類最原始嘅煮食方式,一般嚟講,燒嘢食係將啲嘢食放喺火上面燒熟,喺現代社會,由於有多種用火嘅方式,燒烤方式亦逐漸多元化,發展出各式燒烤爐、燒烤架、燒烤醬等。燒嘢食亦成為一種社交聚會休閒娛樂方式或者係生意。一個人燒嘢食喺現代社會係好少見,無論喺亞洲、美洲、歐洲等,燒嘢食通常係細至家庭,大至學校嘅集體活動。
由於肉類喺燒嗰陣會產生煙霧,燒嘢食通常都喺戶外進行。但煙霧可以用強力通風將佢大幅減少,因此亦有餐廳發展出室內燒烤嘅型式,喺亞洲例如日本、韓國、台灣、泰國等地方,稱之為燒肉店,亦即係喺枱中間有燒烤架,枱上面有強力抽風機,喺燒烤架上面放無煙木炭,網架或欄架畀客人自己將生肉燒熟嘅方式。