Aansteeklike siekte waaraan ‘n groot groep mense tegelykertyd ly From Wikipedia, the free encyclopedia
‘n Epidemie is ‘n aansteeklike siekte waaraan ‘n groot groep mense tegelykertyd ly. Dit word versprei deur besmetting. Bekende voorbeelde van siektes wat as ‘n epidemie kan voorkom, is pokke, cholera, griep, masels, kinkhoes en skarlakenkoors. ‘n Epidemie is endemies wanneer dit slegs op ‘n beperkte gebied heers. ‘n Wydverspreide epidemie wat oor verskeie lande en dalk kontinente versprei is, is ‘n pandemie. Die Swart Dood van die laat Middeleeue en die Spaanse griep van 1918 was pandemies. Epidemies kom teenswoordig minder dikwels voor weens verbeterde higiëniese toestande en voorkomingsmaatreëls.
Epidemieë kan geklasseer word volgens die manier waarop hulle deur die bevolking versprei:[1]
Alle gevalle word deur dieselfde bron veroorsaak, byvoorbeeld die eet van dieselfde besmette voedsel. Die aantal gevalle styg tot 'n maksimum en daal
Die besmetting gebeur oor 'n langer tydperk. Die kurwe kan veel vlakker en breër word.
Soms vind daar besmetting plaas, soms nie. Die kurwe kan meer as een maksimum hê.
Hier besmet die een persoon die ander deur persoonlike kontak. Die kurwe kan opeenvolgende pieke vertoon afhanklik van die inkubasietyd. Die epidemie deurloop party generasies en neem af. Dit is belangrik maatreëls te tref om die voortplanting en verspreiding teen te gaan.
Soms kan daar 'n besmettingsbron wees en ook verspreiding. Dit word 'n gemengde epidemie genoem.
Daar is ander verloop van 'n epidemie moontlik indien daar interaksie tussen draers optree, byvoorbeeld tussen bosluise en jagters in die geval van Lyme-siekte.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.