Kurt Darren
Afrikaanse sanger / From Wikipedia, the free encyclopedia
Kurt Darren (gebore Kurt Johan van Heerden; 19 Februarie 1970)[1] is 'n Afrikaanse sanger, liedjieskrywer, TV-aanbieder, en akteur. Darren se debuutalbum, For Your Precious Love, is in 1995 vrygestel. In 2002 maak hy sy deurbraak in die Afrikaanse musiekbedryf met sy album Meisie Meisie.
Kurt Darren | |
---|---|
Agtergrondinligting | |
Geboortenaam | Kurt Johan van Heerden |
Gebore | 19 Februarie 1970 (1970-02-19) (53 jaar oud) Pretoria, Suid-Afrika |
Genres | Pop |
Beroep(e) | Sanger, liedjieskrywer, TV-aanbieder |
Instrumente | Stem |
Jare aktief | 1995 – nou |
Etikette | SELECT |
Webwerf | kurtdarren.co.za |
Darren se musiek kan ook in Nederland en Vlaams België gehoor word, maar word meestal deur ander kunstenaars gesing. Sy liedjies "Staan op", "Meisie meisie", "Kaptein span die seile", "Af en af" en "Bloubergstrand se sonsak" (Nederlandse Vinzzent, Dromendans 2012) is voorbeelde hiervan.
In 2010 ontvang Darren twee SAMA-toekennings vir beste verkopers in die afdelings "true tone"-aflaaideuntjie vir "Kaptein" en vollengte-aflaaideuntjie vir "Af en Af".[2]
Hy was vanaf 2006 tot 2011 die aanbieder van die gewilde TV-program Jukebox wat op kykNET en verskeie radiostasies gebeeldsend word.