Laerskool Totius
From Wikipedia, the free encyclopedia
From Wikipedia, the free encyclopedia
Die Laerskool Totius is 'n primêre staatskool met Afrikaans as onderrigmedium in Boston, 'n voorstad van Bellville.
Teen April 2016 het die skool 595 leerders van gr. RR tot gr. 7 gehad, van wie 135 in die voorgraadse en 460 in die graadklasse was. Die kleinste graadgroep was die gr. 7's met 53 en die grootste die gr. R's met 80 leerders. Daar was 'n redelik gelykop verdeling van 228 meisies en 232 seuns. Sedert 2015 is mnr. H.L. Bester die skoolhoof.
Die skool is op 9 April 1951 met 150 leerders en vyf onderwyseresse in ses losstaande klaskamertjies begin. Destyds het dit Voorbereidingskool Boston geheet, en is net leerders tot gr. 3 geakkommodeer.
Gedurende die tydperk April 1951 tot Desember 1953 was Voorbereidingskool Boston besig om die fondamente te lê waarop Totiusskool sedert 1 Januarie 1954 begin verrys het. Met die afsterwe van prof. J.D. du Toit (Totius), godgeleerde, Bybelvertaler, digter en volksman, in 1953 is besluit om die skool na hom te noem.
In Januarie 1954 het dit Totiusskool geword. In dieselfde jaar is toestemming van die departement van onderwys verkry om die skool in ´n laerskool te verander, en elke jaar het een graadgroep bygekom.
Omdat daar te min plek in die tydelike geboue van die skool was, moes die leerders en onderwysers in twee groepe verdeel word en is onderrig in dubbelskofte gedoen. Een groep se skooldag was van 8 vm. tot 1.30 nm. en die ander s´n van 12 vm. tot 4.30 nm.
Die hoeksteenlegging van die nuwe skoolgebou, soos dit vandag nog daar uitsien, is op 5 Mei 1955 gedoen. Op 28 November 1956 is die nuwe skoolgebou ingewy. Dr. J.G. Meiring, superintendent-generaal van onderwys in Kaapland, het die skool geopen. Dr. Meiring het tydens dié geleentheid aanbeveel dat, aangesien die skool na Totius heet, die laaste vers van Psalm 91, wat deur Totius berym is, die skool se Psalm moes word.
Die volgende hoofde het die skool gedien:
Prof. dr. J.D. du Toit (1877–1953) is een van 'n handjie vol groot geeste wat aan Suid-Afrika geskenk is. Vir die skool is hy die verpersoonliking van Liefde en Lig, die twee grondliggende gedagtes wat ons as leuse aanvaar. Totius is die afgeleide vorm van prof. dr. J.D. du Toit se naam. Dit is ook die naam waaronder hy gedig het.
Die skoolwapen, die sewepuntige ster, met sy leuse "Liefde en Lig", simboliseer hoër ideale en die nastrewing van 'n verderliggende doelstelling, waardeur die leerders se horisonne verbreed en verryk word. Die LIG word in sewe punte van die ster saamgevat; elke punt verteenwoordig 'n dag van die week:
 |
Ons sing in vroeë lentejare |
 |
Woorde: J.F. Spies
Toonsetting: Dirkie de Villiers
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
