Nitrering

Nitrering is 'n chemiese reaksie waarby 'n organiese verbinding met die nitroniumioon ${\displaystyle NO_{2}^{+}}$ reageer.

Die reaksie word gewoonlik met nitreersuur uitgevoer. Dit is 'n mengsel van gekonsentreerde swawelsuur en gekonsentreerde salpetersuur. In hierdie mengsel word die nitroniumioon vrygestel. Die produkte is dikwels taamlik onstabiel en hulle word as plofstowwe toegepas.

Daar is twee vorms van nitrering:

Verestering

Dis 'n reaksie waarby 'n alkohol (met funksionele groep ${\displaystyle -OH}$) in 'n nitraatester (met funksionele groep ${\displaystyle -O-NO_{2}}$) omgesit word.

Die meganisme word gewoonlik voorgestel as:

'n Voorbeeld van 'n produk van nitering is nitrogliserien.

Aromatiese nitrering

'n Effens ander reaksie is die aromatiese nitrering. Hierby word met nitreersuur 'n nitrogroep ${\displaystyle -NO_{2}}$ in 'n aromatiese ring ingevoer:

Kyk ook

• Rooklose kruit
• Kordiet
• Nitridering wat chemies 'n ander proses is wat niks met die nitroniumioon te make het, maar soms ook met nitrering aangedui word.