Bulgaars-Ortodokse Kerk

Die Bulgaars-Ortodokse Kerk (Bulgaars: Българска православна църква; Balgarska prawoslawna tsarkwa) is ’n outokefale Oosters-Ortodokse Kerk. Dit is in volle gemeenskap met die ander Oosters-Ortodokse kerke. Die primaat van die kerk het die titel Metropoliet van Sofia en Patriarg van die hele Bulgarye.

Bulgaars-Ortodokse Kerk
Bulgarye se patriargale katedraal, die Aleksander Nefski-herdenkkatedraal in Sofia.
Moederkerk	Ekumeniese patriargaat
Stigtingsjaar	865
Stigter	Boris I
Status	Outokefaal
Kerkleiding
Hoof	Neofit
Hoof se titel	Metropoliet van Sofia en Patriarg van die hele Bulgarye
Setel	Sofia, Bulgarye
Besonderhede
Liturgie	Bisantyns
Liturgiese taal	Kerkslawies
Kalender	Hersiene Juliaanse kalender
Gelowiges	Sowat 8 miljoen
Bisdomme	13
Kloosters	120
Gemeentes	2 600
Priesters	1 500
Webtuiste
http://www.bg-patriarshia.bg

Die kerk het sowat 6,5 miljoen lede in Bulgarye en tussen 1,5 en 2 miljoen lede in verskeie Europese lande, Noord- en Suid-Amerika en Australië. Die erkenning van die outokefale Bulgaarse patriargaat in 927 deur die Patriargaat van Konstantinopel maak die kerk die oudste Slawies-Ortodokse kerk in die wêreld.

Die Bulgaars-Ortodokse Kerk word ingedeel in 13 bisdomme in Bulgarye en nog twee in Wes- en Sentraal-Europa, Amerika, Kanada en Australië. Die bisdomme word opgedeel in 58 distrikte en die distrikte in 2 600 gemeentes.

Eksterne skakels

• Bulgaars-Ortodokse patriargaat
• Bulgaars-Ortodokse Kerk Geargiveer 3 Februarie 2010 op Wayback Machine
• Wikimedia Commons het meer media in die kategorie Bulgaars-Ortodokse Kerk.