CASA/IPTN CN-235

Die CASA/IPTN CN-235 is 'n mediumstrek tweemotorige militêre vragvliegtuig wat gesamentlik ontwikkel is deur Construcciones Aeronáuticas SA (CASA) van Spanje en IPTN van Indonesië as 'n streeksvliegtuig en militêre vragvliegtuig. Die vliegtuig word aangedryf deur twee turboskroefmotore. In die militêre omgewing word dit gebruik vir maritieme patrollies, verkenning en vervoer van militêre vrag. Die grootste gebruiker van die CN-235 is Turkye wat 59 eenhede gekoop het.^[5]

CASA/IPTN CN-235
'n CASA CN-235 van die Maritieme Veiligheid en Redding Vereniging
Tipe	Militêre vragvliegtuig
Vervaardiger	Construcciones Aeronáuticas SA IPTN
Nooiensvlug	11 November 1983
Bekendstelling	1 Maart 1988
Status	Aktief
Hoofgebruikers	Turkse Lugmag Franse Lugmag Ierse Vliegkorps Koninklike Maleisiese Lugmag
Vervaardig	1983[1]
Aantal gebou	286[2] ( IPTN 69 [3] )
Eenheidskoste	$ 34 miljoen [4]
Weergawes	Airbus C-295 Indonesian Aerospace N-245

Die Suid-Afrikaanse Lugmag het een Casa-235 in werking gehad wat oorspronklik afkomstig was van die Bophuthatswana Lugmag. Die vliegtuig is gebruik vanaf 1991 (Bophuthatswana) tot 2011. Die vliegtuig is nou vertoon by die Suid-Afrikaanse Lugmagmuseum in Pretoria. ^[6]