Rooikopgans

Die Rooikopgans (Chloephaga rubidiceps) is 'n groot gans wat in die suide van Suid-Amerika voorkom, op die Falkland-eilande en in Argentinië.

Rooikopgans
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Klas:	Aves
Orde:	Anseriformes
Familie:	Anatidae
Genus:	Chloephaga
Spesie:	C. rubidiceps
Binomiale naam
Chloephaga rubidiceps Sclater,PL, 1861

Die mannetjies en wyfies het 'n identiese veredos en hierdie ganse word gekenmerk aan hul rooi koppe, met swart-en-wit gestreepte nekke, bo-rûe en onderlywe. Hulle word soms met die Magellan-ganswyfie verwar, wat 'n eenderse voorkoms het.

Hulle dieet bestaan hoofsaaklik uit gras, maar sal ook klein hoeveelhede van die lêkorrels van hoenders en eende vreet.

Rooikapganse broei tussen Oktober en Januarie. In hierdie tyd word die mannetjies raserig, aggressief en gebiedsgebonde. Die nes word op die grond gebou, tussen lang grasse en bosse waar dit goed weggesteek word. Die wyfie lê tussen vier en elf roomkleurige eiers wat na 30 dae uitbroei. Die kuikens is self na twee tot drie jaar broeigereed.

Sien ook

• Alfabetiese lys van Suid-Afrikaanse voëls
• Lys van Suid-Afrikaanse voëls (Groepeer)
• Lys van Suider-Afrikaanse voëls volgens wetenskaplike name

Bronnelys

• BirdLife International (2004). Chloephaga rubidiceps. 2006 IUBN-rooilys van bedreigde spesies. Internasionale Unie vir die Bewaring van die Natuur 2006. Verkry op 11 Mei 2006.
• Hilko Insel, (2005): Eksotiese Watervoëls. LAPA Uitgewers, Pretoria. ISBN 0799334286