Mullidae

Die Bokvisse (Mullidae) is 'n vis-familie wat tot die orde Perciformes behoort. Daar is vyf genera met vyf en dertig spesies in hierdie familie. Dertien van die spesies kom aan die Suid-Afrikaanse kus voor.

Mullidae
Mulloidichthys vanicolensis
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Familie:	Mullidae
Genera
Mulloidichthys Mullus Parupeneus Pseudupeneus Upeneichthys Upeneus Sien teks vir spesies.

Kenmerke

Die uitstaande kenmerke van die familie is die twee lang baarde op die ken en die feit dat die familie twee aparte dorsale vinne het. Die lyf neig na die lang kant en is bedek met groot skubbe. Die meeste spesies leef op of naby rots en koraalriwwe en vreet bodem skaaldiere. Wanneer die baarde nie in gebruik is nie word hulle terug gevou tussen die operkulums en die kakebeen. Die familie se grootte wissel van 18 – 53 cm en hulle kan in groot akwariums oorleef.

Genera

Die volgende genera en spesies kom aan die Suid-Afrikaanse kus voor:

• Mulloidichthys

• Mulloidichthys ayliffe - Bloustreep-bokvis
• Mulloidichthys flavolineatus - Geelstreep-bokvis
• Mulloidichthys vanicolensis - Vlam-bokvis

• Parupeneus

• Parupeneus barberinus - Streepkol-bokvis
• Parupeneus ciliatus
• Parupeneus cyclostomus - Goudsaal-bokvis
• Parupeneus fraserorum - Fraserse bokvis
• Parupeneus heptacanthus - Rooikol-bokvis
• Parupeneus indicus - Indiese bokvis
• Parupeneus macronemus - Bandkol-bokvis
• Parupeneus pleurostigma - Swartkol-bokvis
• Parupeneus rubescens - Swartsaalbokvis
• Parupeneus trifasciatus - Tweesaal-bokvis

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• Coastal Fishes of Southern Africa. Phil & Elaine Heemstra. 2004. ISBN 1-920033-01-7