Norium

Die Norium is ’n chronostratigrafiese etage sowel as ’n geologiese tydsnede van onderskeidelik die sisteem en periode Trias (serie/epog Laat Trias). Dit verwys dus na ’n tydperk sowel as die gesteentes wat in dié tydperk gevorm het.

Periode/ sisteem	Epog/ serie	Tydsnede/ etage	M. jaar gelede
Jura	Vroeg	Hettangium	jonger
Trias	Laat	Rhaetium	201,3–208,5
		Norium	208,5–~228
		Karnium	~228–~235
	Middel	Ladinium	~235–~242
		Anisium	~242–247,2
	Vroeg	Olenekium	247,2–251,2
		Indusium	251,2–252,2
Perm	Lopingium	Changhsingium	ouer
Die verdeling van die Trias (IKS).

Die tydperk was van sowat 228 tot 208,5 miljoen jaar gelede.^[1] Dit is voorafgegaan deur die Karnium en gevolg deur die Rhaetium.

Naam en definisie

Die Norium is genoem na ’n ou Romeinse provinsie, Noricum, suid van die Donou in die huidige Oostenryk, waar die tipeligging ook voorkom.

Die basis van die etage word gedefinieer deur die eerste voorkoms van die ammoniete Klamathites macrolobatus en Stikinoceras kerri en van die Conodonta Metapolygnathus communisti en Metapolygnathus primitius. Die bokant van die etage word gedefinieer deur die eerste voorkoms van die ammoniete Cochlocera, die Conodonta Misikella spp. en Epigondolella mosheri en die straaldiertjie Proparvicingula moniliformis.