Patriargaat van Moskou

Die Russies-Ortodokse patriargaat van Moskou het in 1589 ontstaan toe dit die Moskouse aartsbisdom vervang het. Die patriarg van Moskou is ook patriarg van die hele Rusland.

Die Kerk van die Twaalf Apostels in die Moskouse Kremlin, die kerk van die patriarge van Moskou.

Geskiedenis

Die geskiedenis van die Russies-Ortodokse Kerk begin met die kerstening van Kiëf-Roes, wat algemeen beskou word as in 988, hoewel dit soms betwis word. In 1316 het die aartsbiskop van Kiëf sy setel na die stad Wladimir geskuif en in 1322 na Moskou. In 1589 is die aartsbiskopsetel verhef tot ’n patriargaat. Pieter die Grote het die patriargaat in 1721 afgeskaf en vervang met die Heiligste Regerende Sinode, en die patriarg van Moskou is weer ’n aartsbiskop of metropoliet genoem. Die patriargaat is in 1917 herstel en in 1925 weer afgeskaf deur die Sowjet-regering. Dit is in 1943 tydens die Tweede Wêreldoorlog vir oulaas herstel op inisiatief van Josef Stalin.

Patriarge van Moskou en die hele Rusland

1589-1721

St. Job

Patriarg Filaret

• 1) Patriarg St. Job (1589-1605)
  • Patriarg Ignatius (1605-1606; nie erken deur die Russies-Ortodokse Kerk)
• 2) Patriarg St. Hermogenus (1606-1612)
  • Vakant (1612-1619)
• 3) Patriarg Filaret (1619-1633)
• 4) Patriarg Joasaf I (1634-1642)
• 5) Patriarg Josef (1642-1652)
• 6) Patriarg Nikon (1652-1658)
  • Pitirim van Kroetitsi (locum tenens; 1658-1667)
• 7) Patriarg Joasaf II (1667-1672)
• 8) Patriarg Pitirim (1672-1673; voorheen van Kroetitsi)
• 9) Patriarg Joachim (1674-1690)
• 10) Patriarg Adriaan (1690-1700)
  • Stefan Jaworski (locum tenens; 1700-1721)

1721-1917

Heiligste Regerende Sinode

1917-hede

St. Tichon

• 11) Patriarg St. Tichon (1917-1925)
  • Vakant (1925-1943)
    • Aartsbiskop Pieter van Kroetitsi (locum tenens; 1925-1936 – de facto net tot 1926)
    • Aartsbiskop Sergius van Nizjni Nowgorod (waarnemende locum tenens; 1926-1936)
    • Aartsbiskop Sergius van Moskou en Kolomna (locum tenens; 1936-1943; voorheen waarnemende locum tenens en aartsbiskop van Nizjni Nowgorod)
• 12) Patriarg Sergius (1943-1944; voorheen locum tenens en aartsbiskop van Moskou en Kolomna)
  • Aartsbiskop Aleksi van Nowgorod en Leningrad (locum tenens; 1944-1945)
• 13) Patriarg Aleksi I (1945-1970; voorheen locum tenens en aartsbiskop van Nowgorod en Leningrad)
  • Aartsbiskop Pimen van Kroetitsi en Kolomna (locum tenens; 1970-1971)
• 14) Patriarg Pimen (1971-1990; voorheen locum tenens en aartsbiskop van Kroetitsi en Kolomna)
• 15) Patriarg Aleksi II (1990-2008)
  • Aartsbiskop Kirill van Smolensk en Kaliningrad (locum tenens; 2008-2009)
• 16) Patriarg Kirill (2009-hede; voorheen locum tenens en aartsbiskop van Smolensk en Kaliningrad)

Sien ook

• Russies-Ortodokse Kerk